يا قلب عذر كل ما صار لك حلم=فكري صحا واليوم قام يتحداك
اليا متى يا قلب ما عاد تفهم=والا كثير الوجد يا قلبي أعماك
أقوم من هم وأقع على هم=أقوم من هذا أوقع على ذاك
كبرت جروح الروح ما فيه بلسم=من يوم غاب اللي من الكل يفداك
ما كني الا شارب(ن)كأس من سم=والمشكلة لا صار موتتك بيداك
صار الفرح في خاطري يشبه الغم=واللي تحسبه معك راح وتعداك
كانك تحس وفيك شيء من الدم=لا تتبع اللي ما يدور على رضاك
ما همه الا دوم فيك يتحكم=وليا طلبته حاجة راح معطاك
لا تصدقه لو قال لك ساعة تم=اليا عرف إنك بحاجته خلاك
من لا يشوفك خير لا يصير مغنم=ومن لا يودك لو ورا الشمس وداك
إحذر من اللي ودهم حده الفم=يجاملك بالوجه ويطعن مقفاك
راجع حسابك طيعني عل تسلم=جنب وكافي من لياليك ما جاك
قدام يا قلب العنا يوم تندم=خلك حذر قدام بقعا توطاك

صح بدنك ولا هنت


سعدت بردك


شكرا لك

صح بدنك بارك الله فيك


سعدت بوجودك


تقبل تحيتي

لا تصدقه لو قال لك ساعـة تـم
اليا عرف إنـك بحاجتـه خـلاك
من لا يشوفك خير لا يصير مغنم
ومن لا يودك لو ورا الشمس وداك
إحذر من اللي ودهم حـده الفـم






اطربتنا بقصيدتك التي جمعت الوصف الجميل..

والتشبيه الرائع.. والمعاني الجزال..

ابدعت حقا..
صح لسانك وسلم نبضك
ولا عدمنا جديدك
دمت بـ هذا الجمال وأكثر



لك مني ارقى التحيا ولاحترام