الكلمة اللي حركت حس شاعر=جتني على الجوال ماهي مصده
إشتقت لك كلمة تهز المشاعر=خص(ن)ليا جاتك من اللي توده
من واحد(ن)لا زال للود فاكر=واللي يودك بالمخاليق بده
اللي على شوفته تعط البشاير=ودك برمشة عين اتكون عنده
يا مرسل الكلمة أنا الك شاكر=لو إن قلبي كلمتك ما تسده
أبيك كلك لو دونك مخاطر=حتى ولو عمري على الموت أحده
يا بوك يا حب(ن)على الروح جاير=والبعد والتفكير للحال هده
منها يظلي دمع عينك عباير=يسابق الكفين صعب(ن)ترده
كن الفؤاد من المعايق طاير=لولا الضلوع اللي بصدري تصده
يا أغلى من النون بين المحاجر=وأعذب من الأنسام بهزله وجده
القلب دائم من مودتك عامر=أنت الوحيد اللي سكن فيه وحده
ما كني الا طالب(ن)فيك أذاكر=حافظ كتابك كل نقطة وشده
القاك دائم ماثل(ن)للنواظر=مع كل رمشة عين وبكل لده
منساك لو دارت علي الدواير=يا مالك(ن)روحي بقربه وبعده

الله يسلمك ويبارك فيك


سعدت بردك الطيب


لك تحيتي

الف شكر لكما سعدت بردكما المتطابق


الله يعطيكما العافية

القلب دائم مـن مودتـك عامـر
أنت الوحيد اللي سكن فيه وحـده
ما كني الا طالب(ن)فيـك أذاكـر
حافظ كتابك كـل نقطـة وشـده




أبيات أعجبتنى و لا به قصور بالباقين





صح لسانك على هالرائعة

عبرت عما في نفسك من خلجات الاشواق الصادقه العذبه الممتزجه بالوفاء


تحياتي لهذا الوفاء




منساك لو دارت علـي الدوايـر
يا مالك(ن)روحي بقربـه وبعـده


ابيات تحمل بين طياتها مدى ماتكنه من محبه صادقه



دام جمال نبضك العذب بعيداً عن الحزن





تقبل مرورى