ياللي ملكت الروح ما عاد به دس=قد أيش أخبي وأنت مشغل لبالي
يا من فتنت القلب بعيونك الخرس=أنا دخيل الله ترحم لحالي
أنعش خفوقي بالهوى عله يحس=ذبحه هجرانك شهور(ن)طوالي
عل الحياة تعود لي من بعد يبس=وأرجع مثل ما كنت بماض الليالي
له مدة في بحركي غاطس غطس=يرميه موجك من جنوب لشمالي
أنا بودك يا غلا منحمس حمس=أي والله أنا صاير(ن)ينرثا لي
حبك غرسته داخلي يا هوى غرس=صارت حدائق وارفة بالظلالي
ما لك مشارك فيه بالجن والأنس=غالي وسكنتك من الروح غالي
تعال بنسى معك ما صار بالأمس=داو الجروح وغطني بالدلالي
خذي حياتي كلها والثمن بس=بسمة شفاهك يوم أشوفك قبالي
والا ترى بصفق بخمس(ن)على خمس=كل يوم يمضي وحالتي بعتلالي
وأنته تحمل إثم ما يصير للنفس=ترى الهجر والصد ماهو حلالي
خلك معي بالدرب لا تتجه عكس=إرفق بحالي والتوالي لوالي

تعال بنسى معك مـا صـار بالأمـس
داو الجـروح وغطنـي بالـدلالـي
خذي حياتـي كلهـا والثمـن بـس
بسمة شفاهك يـوم أشوفـك قبالـي
والا ترى بصفق بخمس(ن)على خمس
كل يوم يمضـي وحالتـي بعتلالـي




عندما ينطق القلب بالحب ..
يترجمها القلم بإحساس قائلها
فتنبض حروفه بالشجن ،،
تلامسنا




فلا نملك إلا أن نغوص بين الأبيات
ونتأمل كل حرف دونته بإعجاب شديد

أمام هذا الموج العارم من الصدق

أمام هذه العواصف
من الصعب أن نجد كلمات ..


تعبر لك عن روعة النص


فسلمت لنا و سلم نبضك

صح لسانك للرضى





دمت بخير

شامخة من راس شامخ

صح لسانك ولا هنت

تقبل مروري المتواضع