ياصاحبي ما فيه داعي تمنن=وفر على روحك وريح بنانك
الود لو إنه بقلبك تمكن=ما كان هذا اليوم والله شأنك
لو قلت لي في غيبتك بتجنن=أقول لك سحرك كمن في بيانك
تقدر عليه في كلامك تفنن=كلامك المعسول حده لسانك
بيع الكلام لغيرنا لا تمسكن=ماني زبون لهرج فاقد حنانك
ولاني مغني شعر ماهو ملحن=ليا إختلف شعرك ولحنك أهانك
رسمت درب(ن)للقوافي مقنن=ما عاد أنا تابع بقايا جنانك
بكرة مع الأيام يمكن تغبن=اليا خسرت اللي من الناس صانك
اللي مضى من وقت في ظني أثمن=واللي بقا ما عاد يحمل رهانك
روح بطريقك والحذر لا توهن=أطلق لروحك بالليالي عنانك
إنسى وأنا بنسى ولا عاد تحزن=زماننا ما عاد هو من زمانك
ما عاد لك بالقلب والروح مسكن=قفلت بيبانه وخلك مكانك
دور على مرسى يضمك وموطن=بعد كياني متفق مع كيانك
يمكن تلاقي بعدنا واحد أحسن=يرضي غرورك لو بعدين خانك

شاعرنا ومبدعنا بن هليل

لك اطلالتك المميزة


ولك حضورك الجميل


لك مفرداتك الخاصة


استاذ الشعر


تتقن الفكرة
توظف المعنى




صح لسانك وبيض الله وجهكـ

لكـ كل التقدير والاحترام

دمت بخير

صح بدنك ولا هنت


لك تحيتي

صح بدنك عساك سالمة وغانمة


سعدت بحضورك


لك تحيتي

بارك الله فيك


لك تحيتي