عـقـب البـطـا ياقـاطـع الـوصـل بـغـرور=
راجـع تقـول الـشـوق يـمـك حـدانـي=
لا تنتـظـرنـي بـعــذرك مــنــت مــعــذور=
أو تحسـب إنـي قلـت راجــع عشـانـي=
عشت الألم والحـزن فـي ليـل ديجـور=
أخـاطــب الـدمـعــة وجــــرح ٍ لـفـانــي=
إن غــاب قلـبـي مــن سبـايـبـه مـقـهـور=
أنــزف ألــم وأكـتـب بـحـزنـي مـعـانـي=
طــوّل غـيـابـه وأنـقـطـع عـنــي شـهــور=
عسانـي أنسـى جــرح هـجـره عسـانـي=
ومـن بعـد همـي عــوّد اللـيـل مـسـرور=
من يـوم أخـذت اللـي بحبـه خذانـي=
حـرّرت نفـسـي وأشــرق بدنيـتـي نــور=
مــن بـعـد ظلـمـه عـشـت فيـهـا أعـانـي=
من عقب ما دمعي على الخـد طابـور=
بــــدل دمــوعــي بـالـفــرح والـتـهـانـي=
ماعاد لك وسط الحشى بيـت وقصـور=
فـــاز بـوصـالـي بـعــدك إنـســان ثـانــي=
ولـو تقطـعـه لأجـلـي مسـافـات وبـحـور=
صعـبـه تـلاقــي بـعــد هـجــرك مـوانــي=
أرحل ترى قلبـي ماهـو معـك مأسـور=
أنسـى حروفـي وأنسـى حتـى حنـانـي=
مـانـي عـلـى طــرد المقـفّـيـن مـجـبـور=
بنسى هـوى اللـي فـي ثوانـي نسانـي=
ثـابـت وفــاي وعــزة الـنـفـس دسـتــور=
بـجـفـاه لـــو حــتــى بـعـمــره فــدانــي=
ماهـمـنـي لـــو راح خـاطــره مـكـســور=
بسـقـيـه هـجـرانـي مـثــل مـــا سـقـانـي=
مـن يـزرع الأشـواق يجنـي لـه زهــور =
والــلــي زرع هــجــران لازم يـعــانــي=
بـنـسـاك لـــو تـبـكـي علـشـانـي دهــــور=
برفضـك حـتـى لــو خفـوقـي عصـانـي=
من حب مثلي صدق معذور .. معذور=
لأنــي بصـفـات الـغـيـد ربـــي زهـانــي=
ماهـمـنـي لـــو قـالــوا الـنــاس مــغــرور=
عـلـى الـوفـاء والـحـب ربــي حـبـانـي=