هنا قلبي ليا شفتك قريبه=وغاية فرحتي دائم وجودك
هلا لا قلتها مهي غريبه=ولو راحت سهو ما قل زودك
منى روحي وبوحي للحبيبه=ليا حرفي دخل داخل حدودك
سلام وشوق وأحلام عجيبه=ليا هب الهوى وإهتز عودك
الاقي حينها بلسم طبيبه=ليا أطلقتي يدينك من قيودك
تداوي بالحشا جروح صعيبه=تذيب الثلج وتسخن برودك
شرايين الجسد تغدي لهيبه=ليا قربت زنودي من زنودك
الا يا مشعل أحلام رهيبه=تسامر خافي لا بعد رودك
عسى الأيام غائبا تجيبه=ليا هبت على الأشواق نودك
رياض الشوق لا صارت عشيبه=ورود اللهف تنبت في خدودك
يسج الطرف في طرفك بهيبه=وتروى الروح من صافي عدودك
ترد أرواحنا من غير ريبه=ليا هز الهوى فودي وفودك
هنا قلبي ليا شفتك قريبه=وغاية فرحتي دائم وجودك

مساء الشعر يا راقي

استمعت دوماً بقرائتي لك

وهنا كانت القراءة تختلف نعم تختلف

فلقد حلقت بنا في سماء الجزالة والعذوبة

فلله درك من عذب
صح منطوقك و ذوقك

دمت بشعر