القوافل العربية - ياليت حزني مجرد دمـع وابكيـه ..!!!

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

- - ياليت حزني مجرد دمـع وابكيـه ..!!! (https://www.alqwafel.com/vb/showthread.php?t=8112)

ياليت حزني مجرد دمـع وابكيـه ..!!!

صمت يكفي ويشفي صدر راعيه
..........لا صار كل الحكي مالـه معانـي

و القلب ما عاد تعنيه المشاريـه
..........و العين ماعاد تغريهـا الامانـي

و الخاطر العمس من يقدر يسليه
..........الناس والا الشعـر والا الاغانـي ..؟

يا كاتب الحزن في قلبي وقاريـه
..........في نظرتي في انفعالي في حناني

ياليت حزني مجرد دمـع وابكيـه .
.........ماهوب عايش معي بين المحانـي

ماهوب يظهر علي واحاول اخفيه
..........و تصير نظرات حزني هي لساني

لو للسحايب سجن يا عبرة التيـه .
.........و الله ما احبسك بخفاقـي ثوانـي

مدري ذكرني زمان كنت ناسيـه
..........مدري ذكرت الزمان اللي نسانـي

كنت اكره البحر واخاف الغرق فيه
..........و اليوم احبه واخاف من المواني

كنت اعشق الجاي باحلامه وامانيه
..........يا ما بنيت بخيالـي لـه مبانـي

ياما رجيت العطا من مـدة يديـه
..........حتى خذا كل شي ومـا عطانـي

تحيــااتي