الوقـت جايـر والضمايـر معاطيـش=والقلب ناشه من عنـا الوقـت نايـش
صبرت لو إنّـي بليّـاك مـا أعيـش=عايش ولا كنّـي مـع النـاس عايـش
عمري تعدّا رحلـة الجهـل والطيـش=ولا زال قلبـي فـي محبّتـك طايـش
طيش الغلا ساوا غـلا لقمـة العيـش=يرتاح بـه قلـبٍ مـن الكـل حايـش
وأنت الغلا يا بـو الثمـان المراهيـش=مثل المطر يروي الغصـون الهشايـش
ما أوحيت فيك أهل الحسد والوشاويـش=تفدا قدمـك أهـل القلـوب الغشايـش
عنك العذول مفلّـتٍ فـي يـده ريـش=مـا دام فـي نفـس المعنّـا حشايـش
وإن كان ما أصونك .. غلانا على ويش=إلك الوفـا لـوْ الفكـر منـك دايـش
وإلك المحبّـه يـا بعيـد المطاريـش=وإلك الغلا وإلـك الضمايـر هشايـش
وإلك المشاعر صافيـه دون تشويـش=وإلك القـدم ممنـون والعقـل شايـش
حتّيش لـو يجبرنـي الوقـت حتّيـش=أنـا رجـل مانـي براعـي خشايـش
والسلم حد رجـال مـن دون تفتيـش=والرجـل مـا يبسـط يـده للهوايـش
يفداك مـن طبعـه يـوَرّش تورّيـش=اللي علـى حيـد الشـوارع ترايـش
وأنا علـى سلـم الرجـال المداغيـش=ماني مـن اللـي يسبـرون الدرايـش
ما يسبرون السـور غيـر الخفافيـش=أهل الدنس .. يـا لابسـات الغوايـش
والغدر .. ما هو لأهل الخيل والجيـش=ومن لا عرف قدره على ويش عايـش

المشاركة الأصلية كتبت بواسطة المجروح (المشاركة 68817) مشكور وتقبل تحيتي