القثامي يرد على الشمري ...!!!
 

قصيدة الشمري وأخرى بمدح عتيبة على هذا الرابط

http://alqwafel.com/vb/showthread.php?p=68575



قصيدة الحميدي الشمري
يقوول الحميدي الشمري


يعرفون المسيحي من صليبه ^^^ ويعرفون الخطابه من خطيبه

ويعرفون الليالي من قمرها ^^^ ويعرفون المولع من حبيبـه

ويعرفون الغليم من خواله ^^^ ويعرفون المنابت من حليبـه

ويعرفون النجايب من فحلها ^^^ ويعرفون الذيابه من قــريبـــه

ويعرفون النخاوي والعـزاوي ^^^ الى من صاحوا الهيـلا عتيبـه

يجونك من على ظهور الاصايل ^^^ كتيبه مير عن مية كتيبـه

ويدكون الصلابيخ برضمهـأ ^^^ ويرقون المشاريف الرقيبـه

رحايلهم تنــوخ بالثـريــــا ^^^ طريقن داستـه ما تنتهيبــــه

ومضايفهم قلوبن بك ترحب ^^^ صدورن ما نمترها رحيبـه

الا من جيت برقـا حي فالـك ^^^ والا من جيت روق ابشر بطيبـه

عتيبه يــا معسفة الصعايب ^^^ عتيبه عز منهو ينتخي بــه

عتيبه فعل وسلوم وعــوايد ^^^ ومنهو عانده حصل نصيبــه

عتيبه ويش اوصف ويش اخلي ^^^ وش اللي مانحكي فيه نحكيبـه

عتيبه يابعد حي القصـــايد ^^^ قصايدنــا الفــريـده والعجيبــــه

قصايد فيكم تشــرف أهلها ^^^ اساس الشعر فيكم نرتقيبـه

وانا ولد الطنايا ان جييت ابشهد ^^^ اقول ان المنابت من حليبــه

واقول ان النجايب من فحلهــا ^^^ واقول ان الذيابه من قريبـــه

واقول ان النخاوي والعــزاوي ^^^ ليامن صاحــوا الهيــلا عتيبـه


قصيدة القثامي ردا على قصيدة الشاعر : الحميدي الشمري في قصيدة عتيبة
هلا واعداد ترحيب الرحيبه
براع الطيب عطّاب الضريبة
بقاف اللي يصك الراس قوله
فتى شمر ولاهي بالغريبة
اساس المجد واهل المجد ذاته
قبيلة واسمعو ياهل اللبيبة
انا فيصل ولد تركي القثامي
اقول المدح في ربعن مهيبة
بشمر مروية حد القناوي
طنايا المجد مهونت الصعيبة
قبيلة من عصور الجاهلية
عداهم فالمعارك مستصيبة
ومنهم حاتم الطائي قديما
كرام من كبار اليا شبيبة
هل الطالة مزبنة المجنّا
مفرقت الحبيب مع الحبيبة
لهم عنوان في طيّ الشهامة
صمادن كالضلاعين الصليبة
طنايا في طنايا في طنايا
رجالن فالمواقيف العصيبة
واعيده من طنايا في طنايا
مشبعته ليا اوحت قنيبه
وكثر القول مايوفي كلامي
ولانلحق شكوك ولامريبة
بدون قصور في باق القبايل
وكلن فالقبايل له نصيبة
وانا فيصل ولد تركي القثامي
اقول المدح في ربعن مهيبة
بشمر مروية حد القناوي
طنايا المجد مهونت الصعيبة

فيصل تركي كديميس القثامي
مكة المكرمة

رد: القثامي يرد على الشمري ...!!!
 

مشكور على النقل


والنعم بكل القبائل



لك كل التقدير

رد: القثامي يرد على الشمري ...!!!
 

صح لسانك ولسان الشاعرين

الله يعطيك العافيه على النقل الرااائع

تسلم ايدك

كل الود

رد: القثامي يرد على الشمري ...!!!
 

بن هليل


سلمت يمينك على هذا النقل

الجميل للشاعرين المبدعين

الشمري والقثامي صحت

السنتهم ...لك التحيه

والتقديـــــــــــــر

رد: القثامي يرد على الشمري ...!!!
 

بن هليل


صح لسانك ولسان الشاعرين


وتقبل تحيتي

رد: القثامي يرد على الشمري ...!!!
 

مشكوووور على النقل المميز

الله يعطيك العافية

والنعم والله بكل القبايل بدون استثناء

تقبل أرق التحايا و أعذبها