تعال يمي يابعد كل غالي=وإن جيتني عز الله إنك تجملت
بيصير قدرك عندنا فوق عالي=أكثر من أول لو فوقي تدللت
لو ينفرد قلبي فرشته زوالي=حشمة الك وأنا لوطيك تحملت
بالعين منزالك ورمشي ظلالي=أنت الوحيد اللي عن الكل فضلت
أسهر على شأنك وأعد الليالي=وأذكرك لاقفيت وأذكرك لأقبلت
ما عاد أنا حاسب حساب لحالي=أطير مع فكري ليا من تخيلت
يامشغل فكري وروحي وبالي=ياما مع أطيافك ليالي تعللت
حتى غديت من السهر ينرثا لي=من كثر ما بالروح حتى تعلعلت
وأصبر وأزيد الصبر وياهم لالي=ولو كنت ممن يهوى التوسل توسلت
لكن أنا تعرف طبوعي محالي=ماني بمن هو يرخص الروح لا قلت
أقول وأفعل والتوالي لوالي=العلم ما غيره لامن تزهلت
إن جيتني تلقا من الكيف حالي=وإن كان حدك ظرف لو بعد طولت
تبقى مثل ما كنت بأول وتالي=حتى ولو إنك علينا تبدلت
ماشيء تغير يا بعد كل غالي=تبقى عديل الروح مهما تدللت

صح بدنك ولا هنت



سعدت بردك الجميل


لك تحيتي

الهه يعطيك العافية


الروعة بردك الراقي وحرفك المميز


لك خالص تحيتي

الف شكر لك على هذا الرد العطر والثناء الذي لا استحقه


دمتي بود لك خالص تحيتي