جيتي بوقت البال ماهو برائق=مير اعذريني لو حصل بعض تقصير
ياليتكي جيتي وأنا كنت فائق=ما كان قدمنا لشوفك معاذير
محتار ما بين الكذب والحقائق=اللي تعدت بالزمان المعايير
لكن باق الوقت والوقت بائق=والله يجملنا وتجمل على خير
قدام لا توقد علينا حرائق=وأغدي أنا وإياك في مخلب الطير
لكن صبرك لين نلقى طرائق=لأجل نحدد وينها وجهة السير
بعد نزيح من الطريق العوائق=بمشي أنا وإياك من دون تكدير
بنظم قصيدي فيك ويكون لائق=تستاهله ياسيد كل الغنادير
بصير أنا وإياك مثل الشقائق=لا صرت في قلبي مقدم عن الغير
تفداك روحي لو ما كنت طائق=يجيك ما ترجيه من دون تأخير
لا صار ما بيني وبينك وثائق=في حينها تنشال كل الحاذير
ولا تحسب إني يوم أجادلك ضائق=ودي أبين لك شروح وتفاسير

المشاركة الأصلية كتبت بواسطة ابن عميش (المشاركة 65515) بن هليل سلمت يمينك وصح لسانك على هذه القصيــده الرائعـــه والراقيـــه فعلا الوقت ماهو برائــق للجميــع لما نراه يعصف بأخواننا في غـــزه اطلب من الله ان تصفي الاجــواء ويهنا الجميع برغد العيش وكــــل محب يعيش حياته كيف ما جات استاذناالغالي متألق كماعهدناك لك التحيـــه والتقــديــــر

صح بدنك بارك الله فيك


سعدت بردك

صح بدنك ولا هنت


شكرا لك على الرد الطيب

صح بدنك ربي يعافيك


نورتي القصيدة بطلتك


سعدت بردك


لك خالص تحيتي