القوافل العربية - محاورة سلطان المنصوري ومستور العصيمي

القوافل العربية (https://www.alqwafel.com/vb/index.php)

- قوافل المحاورات المنقولة النصية (https://www.alqwafel.com/vb/forumdisplay.php?f=153)

- - محاورة سلطان المنصوري ومستور العصيمي (https://www.alqwafel.com/vb/showthread.php?t=7705)

محاورة سلطان المنصوري ومستور العصيمي

سلطان المنصوري

سلامي سلامن كنه البـن والهيـل
وجوب العتيبي عند ربعـه عتيبـه
والا يالعصيمي نسبر البرق والسيل
لعل الحيا يصـل الديـار القريبـه

مستور العصيمي

هلا مرحبا يانور ساطع مـع الليـل
ليا بان في وسط السمـا ينسريبـه
ياسلطان كان الحرب بالهجن والخيل
وذلحين صاروخاً يجيـب المصيبـه

سلطان المنصوري

ابا نشدك عن راع الجمال المحاميل
يقولوون عود بين شكـه وريبـه
تساهيل يامستور راحت تساهيـل
ترانا نعرف المخطيـه والمصيبـه

مستور العصيمي

احب العميل موفي الوزن والكيل
واجنب عن اللي مايقدر صحيبـه
لكن اعبدو شارونكـم ياسرائيـل
حكمكم رضا مدري حمككم غصيبه

سلطان المنصوري

اجل خلنا نسري على الجدي وسهيل
ولاهي على مثلي ومثلـك غريبـه
انا ماعبد الا الله ياحيل ابـا الحيـل
ولانلتفت فاهـل الوجيـه الغضيبـه

مستور العصيمي

توكل على رب الملا عادل الميل
وموضوع مايختصنا وش نبيبه
من اول تهد اجبال وتشيلها شيل
وذلحين صارت يالعتيبي صعيبه

سلطان المنصوري

يامستور نطمع فالليال المقابيـل
عسى الديد يامستور يقطر حليبه
ابا القا اليا دورت بعض المداخيل
ولابد جرح الوقت نلقـا طبيبـه

مستور العصيمي

تبعد عن المنقـود والقـال والقيـل
ترا الرجل مايرضـى بعلـم الغليبـه
معك لو وصلت اسهيل والنجم ابوذيل
تحفر القبـر والا تجيـب النصيبـه

ـــــــــــــــــــــــــــ
م
ن
ق
و
ل

المبدع...

الله يعطيك العافية

طرح موفق سعدت بقراءته

أشكرك على التواصل المستمر والحضور المميز

وبنتظار مزيدا من التألق

لك مني خالص

تحيتي