سلطان المنصوري و وصل العطياني
 

هذه المحاوره جرت في شعراء الميدان بتاريخ 4/4/1428هـ بين الشاعرين الرائعين

سلطان المنصوري

ووصل العطياني



سلطان

سلامي سلام بعيـد عـن كـل منقـود
على السبـل الاول والسلـوم القديمـة
متـى يالعطيانـي تذعـذلـك الـنـود
ويركب شدادك من على وسـق ريمـة


وصل


هلا مرحبا يا راعـي الطيـب والجـود
علـى سلـم اهلنـا والسوايـر مقيمـة
ما دام الذهب فالسوق والسلـم موجـود
تجيـك الغنيمـة لا تبـاطـا الغنيـمـة


سلطان


على غير خوة وصـل مانـي بمحـدود
يازين الغريم اليا وقـف مـع غريمـه
ترى السالفة ياوصـل شعلـة وبـارود
اعلمـك دام ارنبـك وسـط الهشيمـة


وصل


يا سلطان وش حصلت من ورثةالعـود
ليا مـا ورثـت العـود هـذي ظليمـة
لا من الدعاوي عـودت قدحـة زنـود
تفرج واسوي فـي الاعـادي جريمـة



سلطان


من العود ميراثـي رصاصـة وعبـرود
تخلي صليب الـراس يضـرب خريمـة
نهار القيامـة ياوصـل يـوم مشهـود
يضيـع عزومـك ياقـوي العزيـمـة


وصل


رصاصة ما تمري فالعدى ما بهـا فـود
حسافة على اللي شالهـا فـي بريمـه
ليا قامت الساعة ما قـد جـت بمولـود
تحاسب وتنشـد ليـش ماتـت عقيمـة


سلطان


رصاصي يغـث كبـود ويعالـج كبـود
وصكـات بقعـاء عاقبتهـا وخيـمـة
غضب ربنا واضح على اصحاب الاخدود
ولاعـاد ودي يعقـب السيـل ديـمـة


وصل


تعرف اني افـرح واطلـب الله فالـزود
عسا الله يزيدك مـا نبـا لـك حريمـة
لكنه محـلّ شعيـل مـا سـدّ مفـرود
لـو انـه يعشـى كـل ليلـة وليـمـة


منقول

رد: سلطان المنصوري و وصل العطياني
 

binhlailبن هليــل


سلمت يمينك على هذا النقل والله محاوره

قويه ومميزه بين شاعرين من قبيله واحده

بداؤ بقوه وغزارة في المعني اتمنى لهــم

التوفيق والتقدم بدعم جمهورهم الكريم ..

لك التحيـــــــه والتقديـــــــر

رد: سلطان المنصوري و وصل العطياني
 

بن هليل



لك جزيل الشكر



وصح الله ألسنة الشاعرين



الله يعطيك ألف عافيه



[تـــــــحـــــــيــــــــاتـــــــي]

رد: سلطان المنصوري و وصل العطياني
 

تسلم يمينك..
نقل رائع..
وكلمات عذبة ..
تقبل مروري..
وتحياتي.

رد: سلطان المنصوري و وصل العطياني
 

سلمت على هذا الطرح المميز . .

والله يعطيك العافية .. محاورة قمة مابين الشاعرين


تحياتــ ي

رد: سلطان المنصوري و وصل العطياني