أنا أدري إنك تحبيني وتغليني=لكني أرتاح لا جددت تذكيرك
لا تتركيني إذا ما رحت ناديني=لا تتركيني أضيع بعالمِ غيرك
أرجوك لا تهت في دنياي رديني=رديني لحضنك الدافي وتدثيرك
تعودت عالمك ما غيرك يدفيني=عشقت ذاتك وعاشق بعد تفكيرك
مرتاح حتى أشوفك يا نظر عيني=وأسمع سواليف روعتها بتعبيرك
تكتب لي أبيات شعر ثم تحاكيني=امكسرة بس لذتها بتكسيرك
تحكي لي اللي جرى مابينك وبيني=وتفسر أشيا ويطلع صح تفسيرك
وليا شكيت الك من جرحي تداويني=الجرح بيشفي بطبك قبل تغييرك
وليا تجزعت شديني وضميني=خليني أشوف في وجهك تعابيرك
دعيني أنسى زماني وأهجر سنيني=ببدأ معك عمر ثاني يعشق عميرك
إلى حدود السما عليني و وطيني=طوفي بي الكون كله تحت تدبيرك
لو قلت لك آه فكي لا تفكيني=خليني أذوب في نارك وفي خيرك
بغوص في بحرك المائج وغطيني=بمواج مدك وجزرك ساعة أثيرك
هاتي يدينك وهذي مدة يديني=أطلقت طيري بجوك أطلقي طيرك
خليني أطير في جوك وصيديني=إرمي شباكك على دربي وتفجيرك
وإن كان ودك تحديني تحديني=خليني أسمع بتهليلك وتكبيرك
لا تحسب إني على مثلك ما يمديني=ماني بحاسب حساب لكل تحذيرك
وختامها كل ما يرضيك يرضيني=أنتي هوى الروح والله صعب تغييرك

الله يخليك


مشكور على المرور والرد


لا عدمناك


لك


تحيتي

صح بدنك ولا هنتي


سعدت بردك


تقبلي


تحيتي

الذوق منك وفيك


والجمال والروعة بردك الراقي


دام لنا حضورك المميز


لا عدمناك


لك


تحيتي

بارك الله فيك


موفق باذن الله



تواجدك يسعدني


لك


تحيتي