القوافل العربية - لحظـــه...؟؟؟؟؟

لحظـــه ترى ماجيت اقدم لك اعذار :::لحظـــه وبعــدها سوي اللي تسوين

لحظــــه بصحح بيننـا بعض الافكــار ::واقـــول لك حــاجه قبـــل ماتقـــولين

لاتحسبنـــي بانثــر الـــدمع وانهــــار ::والا اتـــرجـــى واطلـــبك مـــاتروحيـن

روحي عسـى دربك بساتين وازهــار ::روحـي وغيــري بالمخــاليق تلقين

صحيح لك بالقلب حشمه ومقـــدار :::لكــن شســوي لك اذا مـــاتحسين

لي قلب لامنه عشق حيل مـــدرار :::ومن الغــلا عنــدي يكفــي ملايين

بس ان لقي صـد وجفـى صـار جبار ::واقدر افارق واهجــــرك لاتخــافين

يابنت انا لـي عزتي وباخذ الثار ::::وابغي انصحك لارحت اصحى تنادين

ماني براجــــع لاتقــولين وش صـار ::لاتساليني ليــه وانتــي تعــرفين

غيــرك تمنـوني وبالعــب وبختــار :::واعشق بدالك الـف وحــده بيـومين

انتي رصيـدك بالغــلا عنـدي اصفار ::ماهو بذنبي ماعــرفتي تحبين

كل الذي لاجلك كتبـه من اشعـار ::::واللـه خسـاره فيــك ماتستحقين

حتى صـورك اللي من العـام تذكـــار ::بادوســـها وانتـي قبــالي تشــوفين

يامــا عطيتــك الـف انــذار وانـذار :::اقـدر افــــــارق قلـت لــك لاتحـــدين

واليـوم انا ليه اتعب النفس واحتـار :::دامــك جرحتينــي وكنتــي تســلين

ان كنت حــي ومن طـويلين الاعمـــار :::لاجــرح بدال الجـرح تسعـه وتسعين

والـحين بالله خلــي دمـــوعك امطـــار :::وباحاول اضحك طول مانتي تصيحين

منقول( الشاعر غير معروف)