الحال يا كل الغلا صار مايسر=مشغول في صحوي وطاير منامي
لو قلت لي ياهيه ليش ماتقر=بقول لك ياهيه مدري علامي
كل الذي أعرفه مفتون ومصر=إنك هوى روحي وغاية مرامي
قلبي سواة البوصلة يمك يفر=صرت القطب اللي يجاذب غرامي
أوعدتني وأعدتني قلت بتمر=طلعت مواعيدك مجرد كلامي
كنت أتمنى شوفتك وأثرك تذر=رماد بعيوني تدور ظلامي
شوفتك عندي لحظة تعدل العمر=مابين ميلادي وحتى ختامي
عشمتني بالشهد وأسقيتني مر=وريتني عد الروى رحت ظامي
خليتني أحسب صخورك من الدر=اللي نويت ابها تهشم عظامي
العاشق الولهان مايلتقي عذر=لاهو بيقبل عذر والا ملامي
هويتكم باليس وأتبعك بالعسر=ماني محسب مهلكي من سلامي
العهد والميعاد ما يخلفه حر=هذي طبيعة للنذل والحرامي

سعدت بردك المميز وتواصلك المستمر


لك


تحيتي

الله يعطيك العافية


وصح بدنك


تشرفت بردك العذب


لك


تحيتي