لبيك يا سيد الغنادير لبيك=مافيه داعي نسمع عتاب وسوال
أشياء كثيره فيك شدتني اليك=لو قلت منها شيء حاجات ما تقال
أنا غرامي فيك وبكل مافيك=من مدعس الأقدام لا موضع الشال
عودك وحسك غير باقي معانـيك=اللي لها بالروح مقفا ومقبال
أي والله أبيك وأبيك وأبيك=ماهو بحال أبيك في كل الأحوال
تبا الصراحة من عرفتك مهاويك=ملكت قلبي ما بقا فيه مثقال
كل المشاعر في خفوقي تناديك=قصر الزمن والا بعد شمخ وطال
أطلب حياتي ثم والله تفديك=يرخص لك الغالي من المال والحال
إن كان مابفديك من عاد يفديك=لا كان ما بفديك ماني برجال
كل الذي تطلبه بيجيك بيجيك=قدام لا ترسل علينا بمرسال
مقوى زعلك ولا تحمل ترجيك=فرحتك عندي ما يقدر بها مال
كل المطالب ما تساوي مواطيك=فرحتك بالدنيا على قول الأمثال

المشاركة الأصلية كتبت بواسطة ابن عميش (المشاركة 58363) استاذنا الغالي ابن هليل يشرفني ان اكون اول متصفح لهذا الابداع الشعري الرائع احاسيس ومشاعر تفوق الخيال اطال الله عمرك .. لك مني اجمل تحيه

مشكور الله يسلمك


رد سعدت به


لك


خالص تحيتي

صح بدنك ولا هنتي


سعدت بردك الطيب


كلك ذوق


لك


تحيتي

صح بدنك ولا هنت


مشكور على الرد الطيب