أنا على شأن الوفا قلت أصارحك=هذا جوابي كان ينفع جوابي
منته غشيم أكيد تتبع مصالحك=لكن حاسب قبل يوم الحساب(ي)
خاف الكريم اللي مراقب جوارحك=ما تفعله محفوظ لك بالكتاب(ي)
لو كنت جاهل كان لك حق ننصحك=ونقول لك وين الخطأ والصواب(ي)
لكن سو اللي تشوفه يريحك=ما عاد ينفع معك لوم وعتاب(ي)
هذي طبيعة فيك هذي ملامحك=من يوم كنت صغير بوقت الشباب(ي)
قصدي دواك ولا مرادي أجرحك=لاجل(ن)جرح ما تعالج ما طاب(ي)
أخاف لا تُكـسر ليا جيت أصلحك=اللي يشيب بشيء بالشيء شاب(ي)
ماني بلا ذمة على شأن أمدحك=مدح(ن)بلا واقع شبيه السراب(ي)
حتى ولو إنه بلحظات يفرحك=منته محصل منه زاد وشراب(ي)
ولاني على الزلات لا غبت بفضحك=عيب(ن)على مثلي حكي بالغياب(ي)
يخطر علي أحيان أقنع وأسرحك=وأرتاح من كثر المجي والذهاب(ي)
بين الرجا واليأس ببقى مطلطحك=بعلقك بين الثرا والسحاب(ي)
خل الليالي والعواصف تمرجحك=يمكن تعود بعدها للصواب(ي)

المشاركة الأصلية كتبت بواسطة safwat00000 (المشاركة 56779) يعطيك الف عافيه على مجهود الرائع والجميل موفق في كلماتك وذوقك الرفيع دمت ذخرا للمنتدى دمت برعاية الله

المشاركة الأصلية كتبت بواسطة همسات شاعرية (المشاركة 56788) حتى ولـو إنـه بلحظـات يفرحـك منته محصل منـه زاد وشـراب(ي) ولاني على الزلات لا غبت بفضحـك عيب(ن)على مثلي حكي بالغياب(ي) صح بوحك واحساسك ونزفك وسلمت أناملك على هذه اللوحة الشعرية المُترفة جميل أن نحبهم رغم طغيانهم ..ونعشقهم بكل هذا الجنون روووعة النبض صرخت لامحال للمحبين مابين الخطاااا و الصواااب دمت بالخير