جتني رسالتها تقل ليش غايب=ما عاد أشوفك ياعسى مانعك خير
أنشد عنك حتى ذوار الهبايب=وأدورك بالجو مع حايم الطير
والا لقيتوا من بعدنا حبايب=خلوك تنسى طيبات التعابير
قلت:السموحة يا حسين العجايب=أنت الذي رتبت كل التدابير
سديت باب(ن)كان للوصل طايب=قلت:الظروف اليوم ياصاحبي غير
تركتني وأنا من الوجد ذايب=ما جا ببالك ويش من بعدك يصير
رميتني مابين جمر ولهايب=واليوم جاي تقول:هات المعاذير
أنا على عهدك ولاني بسايب=ماني من اللي ينقض العهد ويسير
تراك عندي من عزيز القرايب=مرضى عليك خلاف ويجيك تقصير
ببقى على ذكراك لو كنت شايب=هذا كلام الجد ما فيه تغيير
حتى يحطون الثرى والنصايب=أنت الوحيد اللي له القلب بيطير
صحيح ماني ما تمنيت جايب=لكن أنا راضي بحكم المقادير
هذا جوابي وأكثر الظن صايب=واضح ولا يحتاج يازين تفسير

صح بدنك

والف شكر لك على الثناء العطر


الله يعطيك العافية

صح بدنك ولا هنت


سعدت بردك الطيب

لك

تحيتي

همسات شاعرية


كم سعدت بهذا الرد الرائع

وحروفك المعبرة


تميزتي بهذا


الله يعطيك العافية