لاتنشد اسباب حبّي له .. ما دّري شلون = حبّه جبرني اشوفه غير كل البشر
سبحان من خالقه يملك جميع الفنون = وابسط فنونه يحط القلب فوق الجمر
لو قالوا الناس حبّه سبّب الك الجنون = اقول لجله انا مجنون طول الدهر
من ثـقل حبّه احس اوقات جسمي بدون = عقل ومشاعر لو ان الدم مني قطر
حبيب قلبي لو اني خنت يبطي يخون = لو كان قلبي معه قاسي قساة الحجر
هذاك في كل خطوه لاحقته العيون = تخاف لا تفقده وتموت حقد وقهر
عواذلي لو عطوني فيه مايملكون = بعيد عن عينهم حتى رشاش العطر
من طيبته لو يشوف الناس مايضحكون = يخاف ماتضحك العالم عشانه قمر
بضحكـته يجرح العذال لو يسكتون = تظهر جروح العواذل لو يطول الصبر
لو يطعن القلب وش فيها مدامه يمون = وان كان وده يزيد اعطيه كل العمر
جرحي مدامه من يدينه يخف ويهون = كل شي سواه ضدي ناطله في بحر
مدامني عاشقه واهل الهوى يشهدون = تفداه كل الحروف اللى بوسط السطر
ماهمني من زعل والصدق ماهم يجيون ={نصه} ومن يزعل ٍ مني يصك بجدر
هذا كلامي اقول له والعرب ينظرون = مجنون في حب خلي لو دروبه خطر
مالك جميع الحيّل .. مالك جميع الفنون = ابسط فعوله يحط القلب تحت الجمر

المشاركة الأصلية كتبت بواسطة المبدع (المشاركة 52398) الف شكر لك ويعطيك العافيه تحياتي لك

العفووووووووو

الله يعافيك

نورت الصفحه بمرورك

تقديري

المشاركة الأصلية كتبت بواسطة binhlailبن هليــل (المشاركة 52399) صح لسانك يالذيب ما قصرت جزلة من جزل لك تحيتي

صح بدنك

تسلم يالذيب

شاكر لك مرورك

تقديري لك