كل ما ذعذع هوا الشرقيه=والبحر جزره ومده هادي
الشواطي كنها منفيه=خالية ماجالها روادي
ويوم غنى للمساء قمريه=شوقتني ماهداها الهادي
اشعلت كل المواجع فيه=وذكرتني غايتي وامرادي
جادلٍ في وصفها حوريه=يستحي منها الهلال البادي
توها في ايامها الورديه=ليتها ما جات في ميعادي
استباحتني بلا حنيه=وطعنتني طعنتين جدادي
من بعدها علتي مخفيه=واتفادى شرهة الحسادي
اتركتني بين ذي وذيه=وحبها في داخلي يزدادي
بنت عز واصلها سعوديه=حبها متمكنٍ بافؤادي
ماخذتني ضحكة الشاميه=احمد الله عشقتي ببلادي