|
ديوان الشاعر: خلف بن هذال العتيبي...۞
الشاعر الكبير خلف بن هذال العتيبي
شاعر علم في الساحه الشعريه * الاسم : خلف بن هذال بن محمد بن سمران الروقي العتيبي. تاريخ الميلاد: 1363ه 1943م. مكان الميلاد: ساجر العمل: ضابط في الحرس الوطني برتبة (لواء). ســولــي الـكــيــف وأرهــولــي مـــن الــدلــه سولـي الكيـف وأرهولـي مـن الدلـه =البن الاشقر يـداوي الـراس فنجالـه كيـف لنـا نحرقـه بالـنـار ونـزلـه=وليا انقطع لو ورا صنعاء عنينـا لـه البارحـه الليـل ماغمضـت بـه كلـه =أراقب الصبـح جالـس واتحـرى لـه ابعث شريطـن مضـى وأطويـه وفلـه =وأقول مـن يحفـظ التاريـخ لأجيالـه قـل للعراقـي يفتـش جعبتـه قـلـه =يلقى بها شـي مايطـري علـى بالـه الهـم والغـم والطـاعـون والعـلـه =حقـه لحالـه كفايـه حقـه لحـالـه من صفعتن ذاقهـا بانـت بهـا الخلـه =يذكر هزيمـة شهـر شعبـان وهلالـه قـام الثعـل يشتغـل ويشاغـل الشلـه =عزت وطـارق وعـد عـدي وأمثالـه يذبـح ويصلـخ يـده حمـراء ومبتلـه =شـي يخلـي جبيـن الحـر ينـدالـه يانـاس ياويـل مـن هـذا زعيـم لـه =الشعب في وضع يؤسف له ويرثى لـه شعبن شرب كره وأكل كـره كـره لـه =يتفل على صورتـه ويـدوس تمثالـه تبت يـدا ابـو لهـب تـب (ن) وتبلـه =واللي معـه بالحطـب للقـوم حمالـه مقبـل علـى طبختـن بالحيـل تعملـه =يوخذ بها الثار والثـورة تسـوى لـه حتـى نسيبـه ولـد خالـه تحيـل لـه =لغم لـه الهليوكبتـر وأنشـدوا خالـه الله مايهـمـل الـظـالـم ويمـهـلـه =وأن طال به عمر اخس شوي وأردى له الحكـم منهـار والاحــزاب منحـلـه =مخس مـن حالتـن فيهـا ولا حالـه من ردى حظه فـي أهـل بيتـه يزولـه =صار الشجر قوم في عيونه يورى لـه من كثر مايرتميـه يخـاف مـن ظلـه =ومن يعلم الغيـب لـو عـدي قتالـه صدام انا بنشدك وش انـت حـي إلـه =مثلك يموت بغبنه وموته اشـوى لـه ماعـاد تملـك مـن السلطـه خبـر لله =خارج عن السيطـرة دولتـك منزالـه جمع عظامـك سـوات مجمـع الجلـه =واحرق بهـا مـادرى بغـداد برجالـه الجيـش يـرزح تحـت ذل مـن الذلـه =والشعب مسكين تضحك لـه وتغتالـه وإذاعتـك ياسويـد الـوجـه منشـلـه =ماعـنـدك ألا يــا لالا يــا لالا لالا أي بله اسمعك زيـن أي بلـه اي بلـه =وليـا تبيـن عـدو بنـا وحنـا لـه ماتـدري إنـا نعقـد الحبـل ونحـلـه =بالعسـر واليسـر حـلالـه وفتـالـه نعسف الصعب ثم يجيك مزين (ن) دل له =اديـب مايشتكـي عرقـوب جمـالـه مانقتنـع بالهجـاد نصـبـح الحـلـه =مـع الغطاليـس رجلـيـه وخيـالـه والـدار ماهـيـب يـاصـدام محتـلـه =ما استعمرت قبل حكم العـود وعيالـه واليوم عنهـا نسـن السيـف ونسلـه =من شط وأخطى الطريق نصلح احواله والفهد تخسى عنـه منـت بقبيـل إلـه =وطى برجلـه علـى غاربـك بنعالـه منتـه بكفـوه ولا شـرواك كفـو إلـه =الفهد يكرم عـن المشبـوه واشكالـه الفهد عـز العـرب والعـرب عـز إلـه =وكم دولة (ن) تستغيث المال من مالـه العـادل العـدل والاسـلام شـرع إلـه =ولبيعة المسلميـن البيعـه أولـى لـه ولا انـت مهـزوم لا مذهـب ولا ملـه =مقطـع اربـع تطيـح بكـل محبالـه من ما بظلـك تخـدع الشعـب وتظلـه =مفسد ويدعى عليك وفهـد يدعـى لـه وين انت يلي لـه العـذرى تكحـل لـه =يقـوم لعيونهـا وتـشـوم لافعـالـه من طيب ابوها تبي وصفـه حلـي إلـه =يقلط علـى شوبـة البـارود وظلالـه ابيـك فـي لازم (ن) قـدك وقـد إلـه =قمر عربسات يبرى لـك وتبـرى لـه أمـر (ن) ضـروري وخلـك مستعدإلـه =منته مراسـل تجـي وتـروح برسالـه عنـدك مهمـه وقلبـك مابـرد غـلـه =جدول مسيرك تعـرف العـام مدهالـه اركب على اللـي قنابلهـا مـن السلـه =بمكبـرات الصـور بالجـو جـوالـه اخـذ المـدرج وتـل بريكـهـا تـلـه =واخفقبهـا خفقـت الكـدري لمقيالـه انحر بها خايـن النهريـن وافطـن لـه =لاذكـر بالخيـر فـي حلـه وترحالـه حـدد مكانـه بتـل سكـوب وانـزلـه =انـزل رويـدا رويـدا واكبـس الألـه حربية (ن) عاديه سـوداء تسلـل لـه =تسللـت مـن جهـة عمـان وجبالـه جاته من الغرب عبر اجواء صديق إلـه =تحمل علـى متنهـا حزنـه وسلالـه ترسم هدفهـا علـى الليـزر وترسلـه =اشارة الضبط وبالمضـرب تهيـا لـه ماتحمله ماترفعه ترفعه متريـن وتهلـه =مع ذرة الشمس في قصره تحمـا لـه تعطيـه ضربـه تـدك القبـو بالفـلـه =والشـر فالـه وفـال الله ولا فـالـه مـن شـدة الانفجـار اقـول باسـم الله =تهتـز الاهـوار والبصـرة بزلـزالـه في سبـع الارض تحفرلـه وتدفـن لـه =من تحت الانقاض والانقاذ مـا شالـه ياخذ سنـه يلتهـب قبـوه كمـا الملـه =ويـذوب صنقـل الساعـه وسلسالـه ثم خـل غيـره يشـوف ويعتبـر خلـه =واللي يبي مثلهـا بالحـال تثنـى لـه الضعف ما حطـه الطيـب سبيـل إلـه =قد قيـل مـن لايعيـل تجيـه عيالـه السلام ولا سهـى القلـب عـن ذكـر الإلـه السـلام ولا سهـى القلـب عـن ذكـر الإلـه =ربنـا اللـي نـزّل اقـرا و عـلّـم بالقـلـم جـل شانـه فـي جلالـه تبـارك فـي عـلاه =منفـرد بالغيـب يعلـم ولا غـيـره عـلـم نسأله عفوه و لطفـه صمـد مـا احـدٍ سـواه =صوّر الانسـان وانشـأ وجـوده مـن عـدم نطلبه الجنـة و نرجيـه مـن النـار النجـاة =فـي نهـارٍ فيـه خصـمٍ اذا خاصـم خصـم فـوق عرشـه مطّلـع يستجيـب لمـن دعـاه =ناصر المظلـوم منـزل عقوبـة مـن ظلـم القمـر خمسـة عشـر مستهـلٍ فـي سمـاه =فـي جمالـه فـي كمالـه تهلـل و ابتسـم و الوطـن بايـدي امينـة تربّـت فـي حمـاه =ذخـر فتّـاك الركايـب اليـا ازبـد و التطـم البطـل يذكـر و يشكـر علـى سعـيٍ سعـاه =بالعزيمة جاب مـا غـاب يـوم انـه عـزم اعلـن الوحـدة بيـومٍ ملـى الدنيـا صــداه =رُسمـت الخطّـة علـى عيـن رسّـامٍ رسـم ثبّت المبنـى علـى سـاس يرحـم مـن بنـاه =صرح شامخ مـا تزعـزع كيـان ولا انقسـم المؤسـس مـن نشـد عنـه تكفيـه الـرواة =و اسأل التاريخ و الوسم و أسم اللـي وسـم استرحنـا تحـت امانـه و نمنـا فــي ذراه =تـو ذقنـا العافيـة تـو مـا ارتـد النسـم البشير يجيـب بشـرى و يفـرح مـن نصـاه =ابشـروا بالخيـر و الشـر ولّـى و انهـزم الوطن عهدة فهـد مـا مشـى الوالـد مشـاه =حـارسٍ مامـون دون المحـارم و الـحـرم لـه عليـنـا مبايـعـة و الــولاء والله ولاه =مـن وفـى بالعهـد للفهـد والله مـا نــدم يـوم جنـدنـا المـبـدا رفـيـعٍ مسـتـواه =نخـدم الاسـلام و لخـادم الكعـبـة خــدم مرخـص الغالـي لشعبـه وهـذا مـن وفـاه =رافـع المبنـى للاوطـان يبنـي مـا هــدم مكرمٍ يعطـي و نعطـي العطايـا مـن عطـاه =كاسـب المعـروف رجـل المـروة و الكـرم الكريـم ليـا حلـب فـي قـدح فاضـي مـلاه =راعي الكرمـا فهـد و الفهـد حـر و شهـم دين ما مثلـه ترعـرع و حلّـق فـي صبـاه =يافعـيٍ ينـزع الحـق وان غــار انتـقـم طلعتـه طلـع السعـد نـادرٍ يحـمـد ثـنـاه =بالشجاعـة و البراعـة تحـلّـى و اتـسـم داهيـة ولـه الدواهـي تخضّـع مـن دهــاه =مـا تـردد فـي قـراره , ليـا قـرّر حسـم الوطـن ينخـى فهـد وا هنـي اللـي نـخـاه =نخوته في ساعـة الضيـق نخـوة معتصـم الوطن يندب فهـد فـي رجـا الله ثـم رجـاه =ينقـذه مـن غـدر قـوم و عميـلٍ متـهـم للوطـن حنـا فـدا و الملـك حـنـا فــداه =الزعيم اللـي عـن الديـن فسّـر و احتـزم يا ملك نِعـم الملـك يـا ملـك نخـوة و جـاه =بالممالـك يـا ملـك كنـك الطـودة الاشـم عادتك يـا ثالـم السيـف مـن روس الطغـاة =يا عسـاه الكسـر سيـفٍ يعلـق مـا انثلـم خـل شامـان يعلـج لا تـرده فــي خـبـاه =لين يروى من حجامـة سقيـم مـا احتجـم عند بـاب الحكـم سيّـاف و الحكـم اصطفـاه =من تهاون و استمع شـور غيـره مـا حكـم المواضـي تنشـر العـدل و تعمـر الحـيـاة =يستتـب الامـن بالسـيـف و ذراعٍ عـسـم حفلنـا الليلـة يليـق بمكانـة مـن رعــاه =نايـب القايـد ولـي العهـد راعـي الشيـم مرحبا باللي حضر و اسعد (البـاري )مسـاه =ركن نجد و ركن مـن يزهمـه وقـت الزهـم شيخنـا عـدل المناكـب وقــاه الله وقــاه =سلمـه ربـي لخـدمـة بــلاده و العـلـم فـي سبيـل العـز بالـعـز معـقـودٍ لــواه =مجـذم الهيجـا ليـا عـودوا خلـف الزخـم طيـب الذمـة كسـاه التواضـع و اكتـسـاه =مـا تباهـى و افتخـر بالتبجّـح و الفـخـم ان زعل نزعل و نزعل و نرضـى مـن رضـاه =وان تألمـنـا تـألـم و شاركـنـا الالــم لـه عهـود ولـه جنـود تقـدّر لـه غــلاه =فـي لزومـه يتبـع الصـف صـفٍ منتظـم سيدي يزهـى بـك الشعـر مـا مثلـك زهـاه =شاعرٍ ينظم من الشعـر و اسمـع مـا نظـم مخلصٍ يبعث شعـوره يـا علـه يـا عسـاه =يشبـع المعنـى و يحظـى برغبـة محتـرم سرت بالتوفيق و يسيـر مـن سـارت خطـاه =في طريقك يمسح الدرب عـن شـوك السلـم ابـو خالـد كــم يتـيـمٍ تبـنـاه و ربــاه =متّعـه عـن والدينـه و سلّـي و انسـجـم يرحـم المحـروم سلطـان و يخفـف عـنـاه =سخـرة الرحمـن والله يرحـم مـن رحــم طـال عمـره مـا يسويـه مـن خيـرٍ كفـاه =عـن صواديـف الليالـي و دسعـات الرمـم مـا يخـطـط للعـروبـة يثـيـر الانتـبـاه =يا رجـال ان الفـرص يـوم تسنـح تغتنـم انظروا بالوضـع و استمعنـوا ويـش السـواة =لا يضيع الـراي و نضيـع و يطيـح الهـرم يجـري المـاء مـن تحتنـا نـراه ولا نـراه =العرب تسبح على امـواج بحـرٍ مـا هضـم العليـل ان طـوّلـت علـتـه يصـعـب دواه =يسهر الممروض و يموت من طـول السقـم و الورم يكبـر و ظنـي طبيبـه مـا احتـواه =كـل مـا ينـزع ورم بالجسـد يطـلـع ورم الوطـن ماهـو بمرتـع خـراب لمـن بـغـاه =نحتميه وقد حميناه مـن (روم )و(عجـم ) نتفانـى لـه و نملـى المقابـر فـي ثــراه =و الذوايد مـن نصيـب الحنـادي و الرخـم مـن توهـق بمغزانـا لعـن غــزوٍ غــزاه =ارضنـا مـا للعـدو فوقهـا مـاطـا قــدم الوطـن منّـا و فيـنـا ولا نلـحـق جــزاه =الامان و لقمـة العيـش مـن حمـر النِعـم امـة التوحيـد حنـا وحنـا اهـل الـصـلاة =و الزكاة و رمـز الاسـلام مـن بيـن الامـم لو طغى راعي الهوى مـا مشينـا فـي هـواه =مـا نطيـع افكـار ملحـد ولا نعبـد صنـم مـن يقابلنـا بحـجّـه نحـجّـه و نعـصـاه =بالدليل نخاطـب النـاس (لا )ولاّ (نعـم ) مـا طرقنـا بالاذانـي لوشـوشـة الـوشـاة =قافليـن البـاب عـن كـل كــذابٍ هـيـم قامـت اربـاب السوابـق تسـتّـر بالعـبـاه =عن عبـاة الديـن يخسـون هافيـن الذمـم كيف رب البيـت مـا يـدري الا عـن عشـاه =هو تعشـا !هـو تغـدا !علـى رز و لحـم و الخطر و الموت بين الغـرف يطحـن رحـاه =ما وعى فـي مرقـده لـو يشـرّك لـه لغـم الابـو مسـؤول عـن مـا يدبّـر مــن وراه =سـارحٍ فـي غفلتـه لا همـوم ولا هـمـم لو يضيّع شـاه كـدّر علـى اهلـه و إقصـراه =و الشباب يضيع و يقول مـا ضاعـت غنـم الولـد يطلـع ولا قيـل وش اســم زمــلاه =اجتمـاع الـذل و العـار و التفكيـر اهــم صنّع التخريـب شيـن الطبـوع ومـن خـزاه =انطلق به و انتحـر بعـد مـا ظـن و زعـم انه اقـرب للنبـي وانـه اقـرب مـن عصـاه =من هبالـه فـي خيـال الشهيـد ليـا هجـم الشهيـد اللـي عـن الـدار ياقـف ويحـمـاه =من يمينه فـي صـدور العـدا يرسـل سهـم كـان مـا للجـاه لحـدٍ يـرده عـن خـطـاه =مـا بقـى عاقـل ولا صـار للدنيـا طـعـم غايب الاحسـاس يذهـب حياتـه فـي شقـاه =الشقي مـا يـدرك الحلـم خيبـة مـن حلـم مس سرج ابليس و اطلـق عنانـه و امتطـاه =بالخـراب الخايـب امـا سـرى ولا جـهـم منحرف مفسـد مراهـق موجّـه مـن اعـداه =غرّروا بـه و اغـدروا بـه عساهـم للوهـم امسحـوا مخّـه و ساقـوه عكـس الاتـجـاه =و اصبح المخدوع و امسى عمى و ابكم و اصم العمـى عمـى البصيـرة هــذا والله عـمـاه =العمى ماهـو كفيـف البصـر ديـن و قسـم بس في فعل الـردى مـن امـره ومـن نهـاه =الغبـا واهـل الغبـي لـو يفهّـم مـا فهـم رايـحٍ للهاويــة سـرمـدة لـيـلٍ ســراه =يسري المنجـوم و يكـذّب انـه مـا انّجـم الهـدف مشـبـوه و المشتـبـه بـيّـن رداه =للخساسـة طافـي النـار سلّـم و استـلـم خـارج الملّـة مـرق يـوم ربـي مـا هـداه =بالمصايـب و الكـوارث نسـف كـل القيـم تاجـب اللعنـة علـى محـدثٍ جانـا بــأذاه =نشهد انـه خـان بامانتـه و اجـرم و اثـم ومـن أواه ومـن رضـي فعلتـه تبّـت يـداه =وجهه اسود كحت و اسود سواد مـن الفحـم مـا درى كبـش الفـدا لـو يقـادي للـذكـاه =و الكـلام بخاتـم الانبـيـا تــم و خـتـم يا لله بمانك من النكبات تامنا ياالله بمانـك مـن النكبـات تامنـا =والـدار بحمـاك تمنهـا وتامنهـا لأوامـر القائـد الا علـى تمثلـنـا =أرواحنا فـي سبيـل الله نعربنهـا بقيادة الفهد شلنـا الصـوت وأذنـا =على المنابـر تلـج ابنـا مآذنهـا وإن كان صاح الفهد صاحت قبايلنـا =بالصيحة اللي جميع الكون يذعنهـا صيحة ندى والفـدا فـن ولنـا فنـا =فينـا فنـون المعـارك ونتفننـهـا وإليـا نخانـا ولـي العهـد ثمـنـا =النخوة اللي علـى الوقفـة نثمنهـا حوله ومن حول مـن حولـه تكونـا =جزمه ولزمـه وضربـات نعينهـا وإلى اعتزى النائـب الثانـي تزهلنـا =لمصامخ المعتدين وقصف أماكنهـا والمملكة فـي حمانـا حيـث ماكنـا =بالدم نسقـي ثراهـا وانتحضنهـا فرض علينا وعهد قـد مضـى منـا =إنرد بالنار هجمـات العـدا عنهـا صنا المشاعر عن أشرار العدا صنـا =عنها الشوارب إلى فتلـت نحسنهـا مكة وطيبة لنا والنـا وغضـب النـا =ترسانـة الديـن للعالـم نترسنهـا على الجزيرة بحـزم وعـزم هيمنـا =تفخر بنا فايسر العربـان وايمنهـا بالعدل والعـرف والحكمـة تسلطنـا =نترك كثير الامور ونأخـذ احسنهـا لاهانـت بـلاد اخونـوره ولا هـنـا =الجوخه اللي لبسنـا مـن بطاينهـا دار ربتـنـا وضمتـنـا وفضلـنـا =المـوت فيهـا ولا نجـس يدرنهـا دار علـى خدهـا الطاهـر تمكـنـا =فيها ومن فوقهـا نحفـظ توازنهـا يا دار طير السعد والعـز لـك غنـى =حلـو الأناشيـد بأصوتـه يلحنهـا يا دار ما تقتحمـك الأنـس والجنـا =دونك عيال تفـادي عـن مواطنهـا ذباحة الحيـل وأهـل الهيـل والبنـا =نطاحـة القـوم حمايـة ظعاينهـا في سوق جاتك ماهوب بسوق هونـا =تحمى علمها وإلـى ماتـت يكفنهـا إن دندنـت طبلـة الحـراب دنـدنـا =بآيات حـق علـى وبـلال دندنهـا كم من حريـب تـورط فـي حبايلنـا =حبايل من اسلوب الحـرب نتقنهـا جاك . امتنكس ويخسر مـن يراهنـا =مثل الذبيحة بأسافلهـا نكـر عنهـا واليادعا من يشيل الحمل لـه شلنـا =ارقابنا في حياض المـوت ترسنهـا وحنا علـى جبهـة الغـازي تكامنـا =حاضر بحاضر عدانـا مـا نعاينهـا وحنا ليا عدت فعـول العـرب حنـا =انساند العـرب وندعـم تضامنهـا وحنا اليـا انحلـت الآسـرة تعاونـا =وقمنا على جمعها حتـى نحصنهـا وحنا ليا اشتـدت الأزمـة توصلنـا =على حلول العقـود اللـي تهونهـا وحنـا ليـا جاتنـا الغلطـة تحملنـا =الاولـه نبـاع الغلطـه ونعلنـهـا وأن جاتنـا الثانيـة .. لا ماتماهنـا =بالسابقة نسحب الأخـرى ونقرنهـا وراعـي الغلـط معقـول ومثـنـى =يلقي الحقايـق وبعيونـه يعاينهـا نسمـع بنبـح الكـلاب ولا تجنـنـا =الكلب لـه حربـه بكـره نسننهـا من دون صهيون .. بذتنـا صهاينـا =تكفـر بالإسـلام وتركـز كماينهـا الله يا الأنـذال يقلـع رمسكـم عنـا =اطماعكـم عندنـا بانـت بواينهـا مع منكرين الصنيع أمسـت محاسنـا =سيات تحكي به العـدوان بألسنهـا واليا تضايـق غريـب الـدار يزينـا =تدمغ له الروس وأن طالت نطمنهـا لوهي تليـن الجبـال الصـم مالنـا =على الحقوق ارتكينا فـي ممكنهـا يا شيخ جابـر لـك الله مـا تهاونـا =الفهد يأكد لـك العـودة ويضمنهـا ياشيخ والله زعلـك اليـوم مزعلنـا =والمهزلـة والمهونـة مانواطنهـا ابشر بنصـر يشيـد فـوق ويبنـي =بأيـدي رجـال محكحكـة معادنهـا ترجع لدارك وهـذي مـن صمايلنـا =خطوة وسطـوة وتاريـخ يدونهـا ما دام معـك الفهـد لا يلحقـك ظنـا =أبشاية الله كويتـك لـزم تسكنهـا والقصر دسمان تجلس بـه وتتهنـى =لابد مـن فرحـة تطفـي غباينهـا صدام .. لا تحسب أن الحرب يجهلنـا =حنا هل الحرب والكلمـة نبرهنهـا بالغش يـال*** والخدعـة مباطنـا =تطوي سيورك على الفتنة وتدهنهـا بمعاملات اليهـود .. اثـرك تعاملنـا =تطمع بجارتـك يالخايـن وتطعنهـا سلب النسا وانتهاك العـرض غابنـا =اعمال سوء لـك الشيطـان زينهـا مخـزي ومذنـب ولا تقـدر تقابلنـا =تجمع فرايسك يا لحصني وتدفنهـا صبحت معروفنـا وامسيـت خاينـا =بغـداد تلعنـك يالفاجـر وتلعنهـا جاني وفي المجتمـع منبـوذ ومجنـا =شعبك بري منك والنخوة بري منهـا كفـك ملطـخ بـدم الشعـب ومحنـا =ما عاد تنظف يمينك لـو تصوبنهـا حنا حمينـاك يـوم اعلنـت واعلنـا =بالحرب جتك أسلحتنا من مخازنهـا بالمعركة لك ثمـان اسنيـن مشغلنـا =ولـك القوافـل مداومـة مكاينهـا هذا جزى مـا فعلنـا مـن جمايلنـا =تحشد علينا جنودك وانـت خاينهـا لك يوم محتوم تصغـر بـه وتتمنـى =ما كنت فوق الوجود ولـك نقننهـا عليك باسم الله اكبـر مـن تضامنـا =بالأرض سبع الفواسق وانت ثامنها ياشعب دجلة تـرى موطنـك موطنـا =لا ترخص الروح للمجرم وترهنهـا احسن تقولون : سل السيف واقتلنـا =في حكم مجنون لا يأمر ولا ينهـى الواجب انك علـى وصلـك تواصلنـا =ازحف على طغمة الطاغوت واطحنها والياقمعتـوه لا عــرج ولا ثـنـى =نقص على ظاهر الدنيـا وباطنهـا على الراعي سلام من الرعيه سنة الرحمن على الراعي سلام من الرعيـه سنـة الرحمـن =من السنه سلام و للرعيـه عـاش راعيهـا رعاه الله إمـام المسلميـن و للوطـن عنـوان =و رمز و نور نجد و عز حاضرها و باديهـا حضرنا للتراث اللـي يمثـل ماضـي العربـان =و لا يبقى للأمـة قيمـةٍ مـن دون ماضيهـا صحيح من قرا التاريخه يلقا به عربان و أوطان =قرونٍ حافلـه مـا يمكـن التاريـخ يخفيهـا هلا و مية هلا بضيوف حلوا في محـل إخـوان =تراحيب المضيف و بالضيـوف الله يحييهـا ملـك و جنادريـه و الأمـان بديـرة الإيمـان =بلاد السلـم و الإسـلام و المعبـود حاميهـا بـلادٍ تطعـم الجايـع بـلادِ تكسـي العريـان =بلاد آمنـه مـا روّعـت و الأمـن كاسيهـا و فيها قبلة المسلم و فيها مـن ولـد عدنـان =مياميـنٍ تحـت رايـة ملبـيـةٍ لداعيـهـا نبـي قـام و أدى رسالتـه بأسمـى معانيهـا =لبر الوالدين أوصـى و بالأرحـام موصيهـا و فيها شعب وافي و الوفاء ورثه مـن الجـدان =على الشدات يرسي مثل ما ترسي رواسيهـا و فيها من ملوك العرب من قادوا رسن و عنان =مياميـنٍ تحـت رايـة ملبـيـةٍ لداعيـهـا حموا شبة الجزيرة من جيوش الظلم و الطغيان =قيـاداتٍ تعاقـب بـأول الهجـرة و تاليهـا نفوز بشوف عبدالله و شوفه يرضـي الزعـلان =ليا شفناه كنـا نملـك الدنيـا و مـا فيهـا تهاتف له جماهيره و تعزف له طرب و ألحـان =أناشيـد الفـرح بحضـور سيدهـا تغنيهـا له بالفعل الجميل و له جزيل الشكر و العرفـان =تحيـات الثنـاء للقائـد الأعـلـى نثنيـهـا تغشى سيدي بالـورد و اليشمـوم و الريحـان =على روس الأصابع صاحب الخبـرة منقيهـا تقدم في طبق لولو و بـروازه مـن المرجـان =هديـة شاعـر لمربـي الأجيـال مهديـهـا ملك نعم الملك شيخ الشيوخ مشيّـخ الشيخـان =ملك كل القلـوب و يملـك الغاليـن غاليهـا فتح صدره و رحب بالجموع و شـرع البيبـان =تجي و تقابله و تروح مقنعهـا و مرضيهـا تمد له القدح فاضي و ترجـع بالقـدح مليـان =عزيز النفس وجه و جاه و القدحـان ماليهـا شجاع مع كرم و الظفر منجا و الكريـم معـان =عيون يذر فيهـا الشـب و عيـون يداويهـا مواقيفه يسربهـا الصديـق و تقهـر العـدوان =على وجه تباشيـر السعـد تبـدي مواريهـا ملك مؤمن ملك مخلص ملك مدرك بطل ميـدان =هـذا صقـر العروبـه الساحـه و مخليهـا هذا المصلح هذا المفلح كلام الصـدق بالبرهـان =سياسة عبقري يرسـم الخطـة و يمضيهـا ملك مد الجسور و خاطب العالـم بكـل لسـان =طرح كل الدروس و من عظام الراس ممليهـا تحرك و التقا بالشرق من ساسة دول و أديـان =و له دينـة و لـه رأي و علاقـاتٍ ينميهـا حكيم الرأي في حسم الأمـور يقـرر الميـزان =ليا حطت موازين العرب مـن بيـن أيديهـا يدافع عن عقيدة مالها فـي العالمييـن أثمـان =كرامتنـا عقيدتنـا نـمـوت و لا نخليـهـا علينا ما تهون و مـن تخضـع للهوان يهـان =يشوف الذل و يذوق المرارة عقـب حاليهـا تحدث عن قضيـة جوهريـة جمدوهـا أزمـان =فراعنة العذاب و بالخـراب إبليـس مغويهـا رموها و تركوهـا المفسديـن بسلـة النسيـان =تغط بنوم ما نـدري متـى الدنيـا تصحيهـا يسومون العرب بديارهم سـوء العـذاب ألـوان =عساها للذهاب و يذهـب المولـى ذراريهـا يحل أبها ما حل بقوم نـوح ساعـة الطوفـان =تساوي بالسيفينة بأمـر مرسيهـا و جريهـا تعـدي يالسفينـه و أعبـري بحكمـة الربـان =على بـر الأمـان مبرمـج الرحلـه يقديهـا حفظك الله ملك ياللي خذيت الشعب بالأحضـان =قريب منه و كمومك على العورات مضفيهـا على جنبك ولي العهد أخو نايف و أخو سلمـان =رجل طيب و شخا و إن كبرت القاله يلاقيهـا حجا الرملا رجاء الكهل الكبير مغـذي اليتمـان =تبارك ثم تبـارك خطـوةٍ سلطـان يمشيهـا عيال موحـد الملـك العظيـم مشيّـد البنيـان =على الدين الحنيف يسير و النيـه مصفيهـا صبي توحيد و موحد و له قدر و مكان و شـان =يقيم الشفع ثلـث الليـل و الآيـات يتليهـا صدق من قال خلص حاجتك بالسـر و الكتمـان =ليا بنات خصائص حاجتك وشلـون تقضيهـا شهر عبدالعزيز لما كره مثـل أشقـر الجنحـان =مخاليبه من الفرسات أخـو نـوره محنيهـا حمل روحه على كف شبـاب بزهـرة الريعـان =سواة مغامري من غير أبو تركـي يسويهـا يبي حلمٍ كبير و مـن وراه و دونـه الفرسـان =نشامى تجلتد و الموت الأحمر فـي يمانيهـا ثلم حدب السيوف المرهفات و كسـر العيـدان =مداغيش العيال اليا اعتزت سكـت عزاويهـا هجد فوق الصويتيه و ريمه و الجمـل ريمـان =على ظهور الأصايل يأخذ الصحراء و يطويها هجيج مـن المضحـا للمعشـى كنهـا غـزلان =يسوج بطانها ببطونهـا و الليـل ضاويهـا عرايب من ركايب و الركايب من ركاب عمـان =تقول إن الوحوش مع الخلا الخالـي تباريهـا ما جاته بالسوالف و العوافي جت بصفق أكوان =معارك طاحنه و العج شمس الظهر غاطيهـا تزوع أبها العقول الراسيـه و تشيّـب الولـدان =بها سود النواصي عوّدت بيـضٍ نواصيهـا جلا وجه الحياة و غاب وجه الفقر و الحرمـان =و أزال الخوف و أعلن دولته و أصبح مسميها و أببعث من فؤادي ما أختزن شوقي من الوجدان =على قوم توارت في سنـه مانـي بناسيهـا فقدنـا بالخليـج و بالجزيـرة للديـار أركـان =سلاطينٍ تساقط كيف مـا نحـزن و نبكيهـا رحل عنا أربعه و الأربعه عدل و عطا و إحسان =من الدنيا خلـت و لا تخلـت عـن مباديهـا فهد و شيوخنا جابر و ابن راشد و ابن سلطـان =رجـالٍ سطـروا لشعوبهـا مجـد يكفيـهـا رجال الخير و التدبيـر و التطويـر و العمـران =بنـت بلدانهـا بنـيٍ يخلـهـا بأساميـهـا ألا يالله تجـزا المحسنيـن العفـو و الغفـران =تلهمها و الصواب و من عذاب النار تنجيهـا إله الكون تمنحنـا مزيـد الصبـر و السلـوان =بعدهم و أنصر الحيين و أدحر كيـد أعاديهـا كريم القوم لا كرمته ملكته لـك يصيـر مـدان =هل المعروف لو هي بالقبور الذكـر يحييهـا و إن أكرمت اللئيم و طال عرفه صد عنك و خان =عليك يدوّر العثـرات و الحسنـات غاويهـا و من لا يذكر الله و يتذكـر مـا فعـل شيطـان =ردي الحـظ دايـم لـلأذى نفسـه معنيـهـا تحملنـا و لا عـاد نتحمـل و المغطـى بـان =مبيتة الخدع في حقدهـا و الحقـد معميهـا و من ينوي لنـا بشـر هـذا جاهـلٍ غلطـان =و نقول إلـه جاهـل و الجهالـة لا تطريهـا و لا نجهل و إلا يجهل علينا كايـنٍ مـن كـان =ماهـي بعلـوم جهـال حجاويهـا تسليهـا و لا ضاعت حقوق و لا طلب من حقوق إنسان =حقوق النـاس قبـل حقوقنـا حنـا نبدّيهـا صحافات تصدر بالفلس و الخـزي و الخسـران =بضاعه فاسده خسـران بايعهـا و شاريهـا دعايـات تروجهـا العـدا بالـزور و البهتـان =خرافه في صحافه مع مهب الريـح نرميهـا يبرّي ذمته من قال أنـا صاحـب قلـم فهمـان =يفكر في الحقائـق و يتحقـق قبـل يبديهـا ياما حلا المسرى بعيد عن الأنذال ياما حلا المسرى بعيد عـن الأنـذال =في ليلتـن يطربلهـا كـل سـاري مسرا مع الفج الخـلا عـز وجـلال =متشطرن ماخضت في عرض غاري على خطات مشومرن يقطـع الـلال =تدفـن مداهيلـه هبـوب الـذوراي أجمع من البل عشر وتصيـر وبـال =وأختر فحلها مـع جنبهـا يبـاري البل لها في مهجـت القلـب منـزال =منايح القصـار سفـن الصحـاري مراجلـن يشقابهـا كــل رجــال =أفلاس بايعهـا نواميـس شـاري يكفيك ابن هنـدي ومسلـط وهـذال =ومن شمر العاصي وبرغش وضاري لقيت في الوحده سكون وسعت بـال =بعيد ماعنـدي مـن الهـم طـاري ارجع الذكـرا علـى روس الاجـذال =وأمرح خلا بين الحجـل والقمـاري ماهمنـي جمـع المرابـي للامـوال =عزيز لو امسيـت جيعـان عـاري الذود يا هذال يسخم حنينه الـذود يـا هـذال يسخـم حنينـه =مابين شبك و بين قصر و دماله و ام الحوير عنـدي اليـوم شينـه =رد الحوار و فك عنها الشمالـه العين يوم تشـوف ريمـه حزينـه =يسرح بها قلبي و يضوي لحاله و الفاطر العوجـى عليهـا غبينـه =ان رجعت للحوش جبن ونذالـه سقها برفق و خلهـا فـي سكينـه =تمشي و يسقيها المطر من خياله من حاجرن تنطحك ريحت غرينـه =شال العدف و الريح تطرق زلاله ان عاش راسي يالخـلا تاصلينـه =و تبدلين السـر قفـرن بدالـه يازين شوف العشب الاخضر يا زينه =قبل شهر شعبـان ينقـز هلالـه حوايـج العطـار بطـراف ليـنـه =شمال اعويج و الخشيبي شماله و الذ واطيب من عطـور المدينـه =ما ساق فيها شاري العطر مالـه بالروض كني جالسن فـي سفينـه =ترقد مخازرة السلق في ظلالـه قالو ارقد قلت انا وين انا وين الرقاد قالو ارقد قلت انا وين انا ويـن الرقـاد =الرقاد لخفرت ن ظامـر ن سرجوفهـا وشبها من رايب العيـن مطفـي الزنـاد =دقست ن ما ميز الناس وش معروفهـا طافـي ن كـن علـى وجهـه رمــاد =من رداه يخاشر البنت فـي مصروفهـا كيف ابرقد واحتجب عن نسانيس البـراد =لفحت الغربي يسر الحشـى هفهوفهـا والفحل يراعى مع المعاشير طرق بلا قياد =فارس ن يحما طربها ويمـن خوفهـا احمـدالله زال همـي وحققـت المـراد =طبت والفرصه تطوف الردي ويطوفهـا من طبيعت كـل طيـب يجهـز للجهـاد =والرجـال الاقويـا تلتفـت لضعوفهـا ساعتن في جو خالي من ايـام الاعيـاد =والفياض يعط ريـح النفـل بحروفهـا والدلال مساطره خاثـر ن فيهـا القنـاد =والقصص والسامريه تشيـل صفوفهـا ناقتي ماتدخل السوق لـو زازد المـزاد =لو هل الربطات جتني تشيـل اولوفهـا لو يصبون الذهب صب ومهـار ن تقـاد =ما أرخص البـل والنفـوس شفوفهـا يحسبون الارض خصبه قبل زرع وحصاد =السنين تسن فـوق الرقـاب سيوفهـا ماصفت للأنبيـا والملـوك وقـوم عـاد =كم قصور ن شيدت وارجمت بسقوفهـا الاناسـه والهـوى والمحبـه والـوداد =طاعت الله والمراجل قضبـت شعوفهـا ونستي ملحى من البوش غاربها سنـاد =اهق ن سنامها ناشبـن ن بردوفهـا بالخضيرا راسهـا كنهـا تطـرد جـراد =يخزي الشيطان يوم العيـون تشوفهـا والاذاني بالصناقر كما الشلـف الحـداد =افطس ن عرنونها ظافي ن غضروفهـا ذيلها أبتر خوش عذروب والعرقوب عاد =من شدت نداف قطـن ايديـه تحوفهـا والعضود مشمـره عـن مذكاهـا بعـاد =يوم أحلي باب عجلان بيـن أكتوفهـا كتفها عن وركها عشرت اشبارن وكـاد =والخفاف من الفحل والوصوف وصوفها هضبت ن متحنطره دامس ن فيها السواد =قطعت ن من ليل تدفن يديـك بدفوفهـا ديرتن متنقلـه مـن بـلاد اليـا بـلاد =التزرا في درها والـذرا مـن صوفهـا زاد من غابو مديده ولا فـي البيـت زاد =عاطفه من عطفها ماتخيـب ضيوفهـا هي معاش اجدادنا والعصب والأقتصـاد =أهلنا قد حسنت في الحيـاه اظروفهـا ينطحك ريحت عبسها مثل ريـح الزبـاد =كن مسك القيصريه بعث مـن جوفهـا تقهـر الأعـدا نهـار المزايـد والعنـاد =كضمت من غبنها وأصفقـت بكفوفهـا سألت الليل بعد الليل ولا سألت الليـل بعـد الليـل ولا =أنا كيف أتصبـر وأتسـلا فقلت أعطف لمن يرعى نجومك =بجاه الله عنـي لا تجـلا تسلينـي وتنسينـي نهـاري =وتتركني وجرحي مستجلا ثلاث ضلوع يشكن الهضايـم =علي المعلوق والقلب أيتدلا ولا به ليل نامت فيـه عينـي =وانا ما أذكر لها بالذمه ألا ليا نامـت تصحّيهـا حلومـي =وليّا صحيت تفيّض ثم تملا على ظبّيٍ تطاوعـه الجميلـه= ليّا صكه هواء الغربي تخلا من الموقع وخلا القفر خالـي =على دربه يتلّ الريـم تـلا تلاوعني الفرقى وانا ما قبل اللوعه تلاوعني الفرقى وانـا مـا قبـل اللوعـه =و من لاعته فرقى الحبايـب بكـى منهـا يهج الحشا و الجفن مـا جفـت دموعـه =و ابا اشتم محبة بعض الاصحاب و العنها عسى الله يروع اللي يسبب لـي الروعـه =متى الريح تحملني و اواطـن مواطنهـا و متـى ربعـي الغيـاب تلتـم بربوعـه =و اقبل خدودآ باسـود الرمـش دافنهـا دقاقـة ملامـح تفـرع البيـض مربوعـه =و من حذقهـا فـي ردن ثوبـك تكفنهـا أولع شمـوع الوجـد و أطفـي شموعـه =و أنا والهواء غبـه و تلطـم سفاينهـا اخذت من روحي لروحي نصايح اخذت من روحي لروحي نصايـح =ثلاث يرضن النفوس الضياقـي جمع الحطب ومعلقـات الذبايـح =وحذف النشامى للغتر والطواقي بقفرن خلا عشبه بالازهار فايـح =غصن الخزاما له بلاخر مراقي تلقى ام سالم تجر له بام النوايـح =يطيب مع طيب الربيع التلاقـي بين اربعت جدران مانـي بطايـح =قطع الخرايم جبرت عظم ساقي في نون عيني بارق الوسم لايـح =كن السحاب تسل فيها السناقي ان عودو لغب المطر عودو للفلايح =ماني بفالحـن يعـدل سواقـي عـودت للـي يكسبـن المدايـح =فيهن طرب قلبي ولذة مذاقـي سود البكـار مكرمـات المنايـح =هذي ضوت خلفا والاخرا ملاقي ملحا نتفاهق للصميـل ويتمايـح =تركي على كبد الحسود العراقي خلوني اقضي باقي العمر سايـح =ما دام للعمر المطـرف بواقـي امشي تحـت المـزون الروايـح =هذا هواي وطربتي واشتايقـي يرتاح بالي يـوم اوده واصايـح =وابسط فراشي في مبارك نياقي انحاش عن ناسن تسوي الفضايح =عاشت بسو اخلاق كذب ونفاقي نـاس تسـرد للمشاكـل شرايـح =تثير من بين الاخوان الشقاقي كل الحياه احـلام والعمـر رايـح =طرقي بهالدنيا وغيري طراقـي هلي بعيد و ذقت هجر و عواقيب هلي بعيد و ذقت هجر و عواقيـب =يا أكالة الخنزير مانتم هـلٍ لـي أهـلٍ محبتكـم دعايـة و أكاذيـب =تتكهنون ان الهوى صافـيٍ لـي في محفظتكم فرحتي يـا معازيـب =رسالـةٍ عنوانهـا مـن محلـي عطوني اقراها و أوسع لها الجيـب =جيب القميص لحملها مـا يملـي مكتوب يطلع لـي بطيـه مكاتيـب =و لعل مكتوب الحبايـب يسلـي من دمع عيني ما قريتـه بترتيـب =ساعة نشرته قمت أرحب و أهلي و أشوف يا مكتوب فيك التعاجيـب =المنشي أصبح ما قطع عبرةٍ لـي لكن يا ترحاب و أجمـل تراحيـب =و اللي نقص من شرحكم جايزٍ لي لنا يا دو خالـد عليكـم مطاليـب =أخباركم باقلامكـم ونسـةٍ لـي و ان سلت عني مستقيمٍ على طيب =أرعى حقوق الله و أكبر و أصلي عن فرض ربي ما أتهاون ولا اغيب =مكة و أنا بانجلتـرا قبلـةٍ لـي في واجب الدنيا بذلنـا التسابيـب =و خدمة حبيب المملكة غايةٍ لـي و عبدالله أرسلنا لكسب و تجاريـب =يبـي رجـالٍ بالعمـل تستقلـي إن ما وفينا معـه حياتنـا عيـب =أحسن نروح مع البهايـم نفلـي قالو توادع قلت ياصعب الوداع قالو توادع قلت ياصعـب الـوداع =وشلون أوادع من معه قلبي وديع قلبي معه والسر من فرقـاه ظـاع =صحيح من يفقد زمام امره يضيع الى ذكرت الخد والسـود الوسـاع =تسابقت غارات عبراتـي جميـع اصبر على الهجران قدر المستطاع =أحمل همومي للخلا وأشري وأبيع أبيع شـي بالجواهـر مـا يبـاع =بعته رخيص وضاق توي كل ريع بين الرجا والياس يشتـد النـزاع =بعده دهر ومشاهـده لـي ربيـع تستدرج الأيـام مفتـول الـذراع =من حيث لا يعلم ويرمي بالسريع يقطعك يا حبٍّ توقف على ماش يقطعك يا حـبٍّ توقـف علـى مـاش =و من حب حلوين المظاهـر بلاشـي اللـي يبيعـون المحبيـن بـبـلاش =حلوين الالسن و القلـوب الغشـاشِ العرق لو يقصر عن المي مـا عـاش =و الشمس لو تغرب على الكون عاشِ تفخر بزينك يـوم تجفـل و تنحـاش =ما تدري اني منـك قانـع و ماشـي من اولٍ عينـي ترفـرف بالارمـاش =جفن غطا و الجفن الاخـر فراشـي مطوعٍ لك قلبٍ ابيـض مـن الشـاش =و مستدخلك بين الضلوع الهشـاشِ و اليوم اب أنقش سر حبك بمنقـاش =الله و لا حـبٍّ سعـى فيـه واشـي أغسل قلوب أهل الحسد من حسدها يالله يالـي تغسـل الأرض بالسيـل =أغسل قلوب أهل الحسد من حسدها وترد كيـد أهـل القلـوب المغاليـل =بنحورها وأعنا الوجـود تحصدهـا وأجعل لنا من باب يسـرك تساهيـل =مدات جـودك نستمـد بمـد د هـا بارك لنـا بالمـد والصـاع والكيـل =ونفوسنا عطهـا القناعـة وزدهـا وأحفظ فهد وأمهل له العمـر تمهيـل =واحم البلاد المنعمـة فـي رغدهـا من منبر المحفل بدعة أجمـل القيـل =أقطف من أطراف المعانـي جددهـا الشعر سبك وحبـك معنـى وتجزيـل =أسبك بيوت الشعر واحبـك عددهـا أكحل عيون الشعر بالكحـل والميـل =وأمسـح مدامعهـا وأداوي رمدهـا يامرحبـا بمجمـل الحفـل تجمـيـل =ترحيبةً تبسط علـى الصـدر يدهـا بالواصل الي فيـه للوصـل توصيـل =يمنـاه بالمعـروف كـلً حمدهـا ركنـه حجـا يـذري وبلـه مقاييـل =حـاز المراجـل كلهـا وافتـردهـا بيتـه لعطـار الشـوارب مداهـيـل =من دون وجهه خزنته ماأقتصدهـا ينصونه العربـان مشـي وزرافيـل =شمايلة مـا خيبـة مـن قصدهـا يحيى الكريم ولـه معـزة وتفضيـل =يبقـى وتبقـى دينتـه مافقـدهـا فعلاً عليـه شهـود ماهـو بأقاويـل =نعم اليمين اللي وفت فـي عهدهـا هاذاك ابـو متعـب رفيـع المنازيـل =الي بنا هـام العـروش وصعدهـا سار النبـا كيـر المثايـل محاميـل =بحمولها تسعـى جهدهـا جهدهـا مابدلة عـن منقـع الطيـب تبديـل =ترسي تحت بيـت المـروة وتدهـا بيت الشرف والفضل عذب المناهيـل =فيهـا الشهامـة سنهـا وأعتقدهـا سلطان أبو خالـد مغيـث المجاليـل =عاش فقرى وبحـر مالـه رفدهـا في عودتـه غنـة طيـور البلابيـل =وأحيـا المواطـن ليلتـه مارقدهـا عيـد وفـرح ومناسبـات وتباهيـل =بقدوم شيخ سـد نجـد وعضدهـا نقـدم الترحـاب والبـن والهـيـل =للأسـرة الـي عزهـا فـي بلدهـا ماسعدك من حافل ومابردك من ليـل =بين الملوك الـي يذعـذع سعدهـا ملوكنـا الـي عدلهـا يرفـع الميـل =أن واعدة تصدق ويصـدق وعدهـا على الصحاف تقلـط الفطـر الحيـل =اهـل الكـرم وتكـرم الـي وفدهـا وأهل السيوف الماضيـات المصاقيـل =بالضيق من عنـز عليهـا وجدهـا عقال في وقـت الجهالـة جهاهيـل =شقر الحرار الـي ينومـس هددهـا هاذا وانا مستحضـر الفكـر بالحيـل =تصحى الحواس الخمس من ماوردها يامحلل الموقف نبـي منـك تحليـل =وش خطةً فـي خاطـرك تعتمدهـا باب السلام وصار مسـرح وتمثيـل =سجدة سهو تاجب على من سجدهـا مافي الحقيبـة للعروبـة محاصيـل =سوالـف تصـدا ا لكبـود بكبدهـا وش منطق الأجيال من بعد هالجيـل =ياحسـرة التاريـخ وامـر وادهـا الله وأنـا سألـه يدمـر أسرائـيـل =.ينشي غضب ربي عشاء ويهجدها يلقح بسحب مثـل حمـر الغراميـل =عـجً مطرهـا والـزلازل رعدهـا تنثر سخط منها السواعـق نوازيـل =يسكـر هواهـا ويتصلـخ بردهـا يجتثهـا الرحمـن بجنـاح جبريـل =وتصبح معالم للعـرب مـن بعدهـا تكتب علـى الخنزيـر طـه وتنزيـل =يانجس مبداهـا ومااكبـر حقدهـا والله جريمـة منـكـرة يارجاجـيـل =حتـى الـدول بأعرافهـا تنتقدهـا الصبح فوق كلابهـا تلقـاء النجيـل =جرثومةً دب المرض فـي جسدهـا أستفحلـت والـي عليهـا مهابـيـل =قامت على أنجاب الخيانـة عمدهـا من الفـرات بخارطتهـا الـى النيـل =عصابـة تسـرح وتمـرح وحدهـا عنها الصواب بعيد جملـة وتفصيـل =عميانةً فـي غيهـا عـن رشدهـا هي مصـدر الأرهـاب وأم الأباطيـل =لا وفـق الله مـن يقـوم بسندهـا عقرب ترى مسمومة الراس والذيـل =مـن حـر مافيهـا تنفـخ غددهـا عاشت على الكذبة دعايـة وتضليـل =جاهـا ثناهـا يـوم ربـي قردهـا من حارب الله لـه مهونـة وتذليـل =في ساعـةً مـن غيـر ماتبتعدهـا الم ترى كيف اهلـك الله اهـل الفيـل =دك أبرهة وجنـوده الـي حشدهـا جاه الجزاء الصارم عقوبـة وتنكيـل =وينه ووين أصنام رجـس عبدهـا شافت فلسطيـن الجريحـة بهاذيـل =شابـت قضيتهـا وشيـب ولدهـا خمسين عام علوم صحف ومراسيـل =في حالها عن حالهـا مـن نشدهـا مراوحـة بأقدامهـا فـي ا لمحابيـل =على ر ا سها قـام يتقطـع زبدهـا الى متى تصبر على الظلـم والويـل =تبً على مـن هانهـا وأضطهدهـا تبكـي وتغـرق بالدمـوع المناديـل =تنخى فهـد تنخـى فهدنـا فهدهـا تبـي صبـاح بـه صيـاح وتهليـل =نقضى على الفتنة وهي في مهدهـا بقـوة الأيمـان حنـا هـل الخـيـل =الألويـة بـأسـم الجهادنعقـدهـا في الحرب نثبت في وجيه الأباطيـل =مواقـفً مـن شافهـا ماجحـدهـا مـن حبنـا للمـوت نهبـل هوابيـل =والنفس قبل تمـوت تاخـذ سددهـا الى أقبـل المهـزوم حنـا المقابيـل =كم وقعتً شعب الجزيـرة شهدهـا والا نوى الا الزحف نزحف جحافيـل =جحاف التوحيـد فـي راي اسدهـا بقيادة الـي يركـي المتـن للشيـل =عنـا ثقيـلات المحامـل صمدهـا فهد فهد ضـاري بشـرب الفناجيـل =اليا برزت دهـم الجمـوع يعمدهـا حـلاًل حيلـي الحلاحيـل حلحـيـل =يحلحـل اللـي ماتحلحـل عقدهـا دليلنـا وان غـاب نجـم الدوالـيـل =على الهدا ديـرة مسـاره رصدهـا نفداك ونصـر الرشـاء بالمحاحيـل =يالي حفرة لدفـن الأعـداء لحدهـا مع قمة الأسـلام تصهـل تصاهيـل =قدها يابو فيصل الى القـدس قدهـا العيشة اللي تدبـل الكبـد تنعـاف عيشة اللي تدبـل الكبـد تنعـاف =والنفس عن ما تكرهه مستريحة نفوسنا دايـم عفيفـات ونظـاف =وابدانا من كل علـة صحيحـة صاحين صافين المشاريب واشراف =ما ناكل المترديـة والنطيحـة يوم السنين الماضية حيل وعجاف =يندر لنا من هبة الريح ريحـه اكرام لو يلحق بنا نقص وخـلاف =نملا الصحن ونلحفه بالذبيحـة صلبين في وقت الشدايد وعـرّاف =منا المشورة واختيار النصيحة وان ثارت الهيجا لنا وسط واطراف =جه الحريب نقنعه بالفضيحـة القلـب يحـزن والدمـوع تسـيـل القلـب يحـزن والدمـوع تسـيـل=والعيـن تسهـر والغيـاب طويـل الفاجعـه قضـت مفاجـع جنوبنـا=الهـم يكـبـر والـفـؤاد علـيـل حـوادث الدنيـا كفـا الله شـرهـا=يصبح بها الحمـل الخفيـف ثقيـل علم ضحى الاثنيـن بالحيـل راعنـا=روعـة خليـل مـن فـراق خليـل نهارنا شمسه خبـت فـي غيومهـا=نصـف النهـار وكنهـا فـي ليـل غيبه فهـد عنـا مصـاب مصيبنـا=عسى النساء عقب الغريـب تحيـل يـارب ترحمنـا وتلطـف بحالـنـا=ماعـاد فينـا غيـر حيلـك حـيـل بالصبـر والسلـوان يـارب مدنـا=اجعـل لنـا علـى رضـاك سبيـل تجبرعزانـا فـي ملكنـا زعيمـنـا=عسـاه بجنـان النعـيـم نـزيـل مرحوم يامـن راح تشعـب ركايبـه=بـدار الفنـا عقـب المقـام رحيـل نذكر مواقف من ثبت فـي مواقفـه=رجـل الهـدى للضايعيـن دلـيـل نعـد ونضيـع حصايـل مناقـبـه=ونجيب مـن فيـض الكثيـر قليـل مآثـره تبقلـى ونلـقـا ظلالـهـا=في القيظ عن لفـح السمـوم مقيـل رجل البنا رجل الثنـا فـي زعامتـه=زعامـه فيـهـا عـطـاه جـزيـل من ربع قرن وقايد العـرب مرتكـي=للنايـبـات وللحـمـول يـشـيـل شيال حمـال اللـي تثنـت قوايمـه=بارك ومـن مـس الشـداد هزيـل للواجبـات منفـذ عـن سـواعـده=سيف علـى حسـم الامـر صقيـل غيث على الممحل غيور على الوطن=ماعـال وان عـال الخصيـم يعيـل موت ليا زمجر حيـاه ليـا ابتسـم=يسـف بـافـواه الـعـداه ملـيـل يوم اعتداء الغاشم وحـول بجارتـه=قال انـت يـا هـذا الغشيـم هبيـل هي جارتي واقف على الرجل دونهـا=وانـا لهـا بعـد الوكيـل وكـيـل رد الحقوق وصبهـا فـي مسارهـا=فعل الاصيـل مـن الجـدود اصيـل قال انعمي ياكويت بالمن واعمـري=وانـا وراك ومـن غـزاك ذلـيـل نادا باهـل لبنـان والحـرب دايـره=حـرب جنـوا منهـا دمـار وويـل جمـع طوايفهـم وحـدد قـرارهـم=للصلـح بالطـايـف ولادة جـيـل في قبه الصخـره وللقـدس فزعتـه=يـوم اختفـاء دون العميـل عميـل ماغض عن محنه فلسطيـن ناظـره=يجمع لهـم رجـل السـلام حصيـل وفي البوسنه والهرسك احكم سياسته=عن خوفهـا جـاب الامـان بديـل آمن محارمهـا وحصـن حدودهـا=للمعـضـلات المقـبـلات قبـيـل قبيلهـا وان كشـرت لـه بنابـهـا=يضحك لها ضحـك الاسـد بالحيـل ليث مخضرم مارس الجوع والرخـا=ملـك ولا لـه فالمـلـوك مثـيـل عمـران مكـه والمدينـه شواهـده=تفنـى الليالـي والجليـل جلـيـل بطباعه المصحـف كبـار وهايبـه=يمنـى كريـم ولا يمـيـن بخـيـل ورد لنا الماء صافـي مـن منابعـه=عذب مثل نقـع الصفـا مـن سيـل كـان العلـم للعلـم هـذي معالمـه=حـراب نـوم وللعـلـوم صمـيـل انشـاء الـمـدارس والفـهـارس=تـرابــه زعـفــران وهـيــل يسقيـه مـن نـو الثريـا همايلـه=وينبت عليـه مـن الزهـور اكليـل ترحم فهد وتعوضـه عـن جمايلـه=وتـرد لاصحـاب الجميـل جميـل ترك غثا الدنيـا وفـارق همومهـا=وخلا مـن اغـلا المترفـات حليـل وللعز يا اللي عضتنـا فـي فقيدنـا=ياللـي لـك التاريـخ يصنـع قيـل انت العزا ياعزانا في عزيزن=اتحيا لنا ياللي لاخوك زميل زاملت اخوك بسيرته فـي مسيرتـه=مسيـرة عنهـا الضعيـف يمـيـل انبايعـك ونجـدد البيـع والــولا=بيعـة رجـال وللعـهـود كفـيـل كفيلنـا الله يـوم نعطـي عهودنـا=لـك يابطـل ياشـهـم ياحلحـيـل والبيع ماهو بيعـة البيـع والشـرا=بيعـة ملـك ماهـو بـوزن وكيـل نعم السلف نعم الخلف عن سليفنـا=واصـل وطبـق محكـم التنـزيـل حنا وراك نواصـل السيـر والسـرا=جديـك شمـال وبالجنـوب سهيـل قايد ومن قدته على الخيـر خيرتـه=يـارد علـى خيـرك مـوارد نيـل فيـك الاخـوه والمـروه طبيعـتـك=واصل الطبيعه مـن طبـوع نبيـل سليل مجد مسلسـل مـن سلالتـه=هـذا العظيـم مـن العظـام سليـل راي ليا دبـر شجـاع ليـا اعتـزا=صـارم يـبـرد للكـبـود غلـيـل حزم ليـا صمـم عـزوم ليـا نـوا=مـن لاذبـه يـرقـد وراه دخـيـل عدل ليا حاكـم عطـوف ليـا عفـا=ظلـه ليـا انكـف الظـلال ظليـل ومبايعـه سلطـان للعهـد واجبـه=ولـي عـهـد وللنـظـام كمـيـل سلطان خيـر وضايفـات شمايلـه=مضفي علـى ستـر الديـار شليـل عضيد عبـدالله ليـا هاجـت العـدا=اصهل ونعـرات الحصـان صهيـل برعايـة الله ثابـروا فـي كيانكـم=ياذخر مـن يخلـي سـروج الخيـل نعم الموحد ما سهـا عـن رعيتـه=يهـذل علـى خيـل الفـلاح هذيـل ياراية التوحيـد عيشـي ورفرفـي=الاصـل ثابـت والفـروع نخـيـل هذا وانا للارض والشعـب منتمـي=ورثي ومـن ذاك الفصيـل فصيـل فصايل قامت على الديـن والشـرف=سـرجِِِِ لحومـات الظـلام تـزيـل قامت شريعتهـا وسـادت شعوبهـا=رغم علـى اهـل الكيـد والتضليـل ول يا زولٍ ولّ يا زولٍ بوسط السوق شفتـه يمشـي يمشـي مـع طلـوع الشمسـي=لابـسٍ ثـوبٍ قصيـر ولا تعلّـم لبسـت البشـت الطويـل الضـافـي آه وا عيني ويـا راسـي ويـا قلبـي وألا يـا حمـس كبـدي حمسـي=من محبة واحدٍ شفته ومن شفته وانـا عينـي تهـل ادمـوع دمٍ صافـي صابني باربع خناجر كلهـن وسـط الحشـى نجـسٍ رمسهـن رمسـي= كل خنجر ما قضبها إلا حباسٍ صابهـا يضـرب بزنـدٍ جامـدٍ متعافـي آه واويلاه يامن سنها يـوم احسبـوا لسنينهـا ماغيـر عشـر وخمسـي= صورة تخضع لها العشاق والخلق الجميل من العروش ينـزل الأشرافـي طالبك يا سيد عيني لا تحيرني وتسهرني ترى نومي من امسـي عمسـي=ما دريت ان المحبة المحبة المحبـة المحبـة علـة دخـلا وسـمٍ خافـي يا وليفي كف كف اكفاك من يكفي العيون السالمه من شر لطـم اللمسـي= كيف ترخص واحدٍ يغليك وانت منوّلٍ تعطف عليه وتاصله وتمده حقه وافي انا ما ازهم ولا يزهـم عليّـه انا ما ازهـم ولا يزهـم عليّـه =مثل نـاسٍ محبتهـم فضيحـه أحـب اللـي سواليفـه خفيّـه =خفيف الدم ابو نيّـه صريحـه ألا يازيـن ياكـبـر الخطـيّـة =تشفقنـي لياليـك المليـحـه عليـك ابـدع لحـونٍ سامريّـه =معانيها على حبـك صحيحـه وانا قلبي معك صبـح وعشيّـه =و روحي منك ما هي مستريحه ليا شفتك سقط مـا فـي يديّـه =أفز لشوفتك واصعق بصيحـه أموت ان كان مـا تنظـر إليّـه =بنظرة عطف للناس الجريحـه غشاك الملـح و زيـاده شويّـه =على فرقاك ما اسمع للنصيحه عيونك سـود حوريـه جريّـة =في جسمك من الريحان ريحـه ألا يا اسمر ترى النيـه مطيّـة =تبي تكسب على هجري مديحه تفاجينـي بحـجـه جاهلـيّـه =تدش حمى هواي وتستبيحـه تعديـت الحـدود وبـرت فيّـه =ورى نفسك على نفسي شحيحه. ياللي قضينا بها أيام الاعيادي ياللي قضينا بهـا أيـام الاعيـادي =ما كفها الضلـع والعـرق والـوادي مصيو نة العرض من عصر الاجدادي =أنـا مـراده وهـو غايـة مـرادي فيض و قيـس بعـد حـل بفـوادي =قم حط في رجلـي عقـال و قيـادي دمعي على خـدي أجـواز وأفـرادي =اخاف من هـرج عـاذل و حسـادي و الفكر في و سط بحر الهواء غادي =سيـرة حبيبـي تغلـق و تنعـادي ينقص على اهل الهوى بن و قنادي =ذوب الحديـد ان تـولاه حــدادي وجعان من حبه وأرجي شفـا طبـه =لو صاحبي يدري عن ماحوى صدري ما كـان يشقينـي البعـد يكفينـي =لـو زاد يتكسـر جذعـه ويتخسـر و من حب حلوين المظاهر بلاشـي يقطعك يا حـبٍّ توقـف علـى مـاش =و من حب حلوين المظاهـر بلاشـي اللـي يبيعـون المحبيـن بـبـلاش =حلوين الالسن و القلـوب الغشـاشِ العرق لو يقصر عن المي ما ذعـاش =و الشمس لو تغرب على الكون عاشِ تفخر بزينك يـوم تجفـل و تنحـاش =ما تدري اني منـك قانـع و ماشـي من اولٍ عينـي ترفـرف بالارمـاش =جفن غطا و الجفن الاخـر فراشـي مطوعٍ لك قلبٍ ابيـض مـن الشـاش =و مستدخلك بين الضلوع الهشـاشِ و اليوم اب أنقش سر حبك بمنقـاش =الله ولا حـبٍّ سعـى فيـه واشـي وانا خطر ٍ علي اعوي عوى واجاوب الذيبي وانا خطر ٍ علي اعوي عوى واجاوب الذيبي =ولوتبكي نهاروليـل ماتطفـي لواهيبـي جرالي منك ياجفـن العناسهـر وعواقيبـي =خفيف النود من فرقاه تقبلبي وتقفيبـي ولاغيرك من الخلان إلـى جيتـه يهليبـي =ابي منك الصراحه وانت فاهمني وتدريبي واصبت القلب يامطلق عطيبات المضاريبي =دريت انك عذاب الروح لاشك ٍولاريبـي على شان المحبه تتصل شرط ومواجيبـي =حلفت إلك بيمين اللي يعلم السروالغيبي ابي اكمـل مطاليبـك وكملـي ومطاليبـي =جزا ً لك ماملكت فداك يازين التعاجيبـي تحتك اخضع مطيع مريـع والاقدارترميبـي =إلى مني ذكرتـك جرقلبـي بالكواليبـي وشلون ابارجع وارجّع وقتي الماضي يا عيد سود العيون استنكـرن منّـي =وشلون ابارجع وارجّع وقتي الماضي اسأل عن حالهن مـا سائلـن عنّـي =الله يغربـل حيـاةٍ جوّهـا فاضـي يا عيد رمح الهوى بالقلـب طاعنّـي =والحب يمضي ورمحه بالهوى ماضي يا عيد حدب الضلوع تصيح وتحنّـي =من عام الأول وانا صابر ومتغاضـي يا عيد أنـا مولـعٍ بصغيـر السنّـي =والحال منّي قضى وأنا بعـد قاضـي يا عيد لـي صاحـبٍ فاتـن وفاتنّـي =ولو مبسمه سمّ قبّلته وانـا راضـي فقلت اعطف لمن يرعى نجومك فقلت اعطف لمن يرعى نجومك =بجـاه الله عنـي لا تجـلا ثلاث ضلوع يشكن الهضايـم =علي المعلوق والقلب ايتدلا ليا نامت تصحّيها حلـو مـي =و ليّا صحيت تفيّضّ ثم تملا من المو قع وخلا القفر خالـي =على دربه يتلّ الريـم تـلا انا واليل خلان ورفاقه انـا واليـل خـلان ورفاقـه =أخذته عشق وأخذني عشَاقه افيضله ضنايـن مابروحـي =ويفتحلي على الغيات طاقه ألاياليل وش عندك وعنـدي =يقوله من تكدرلـه مذاقـه عيونه من غرام الشوق تهمل =عبايرها على ذيك الدقاقـه وأنا بنهايت التسعين هجري =إلى خلن عجزت أقوى فراقه إلى عام وثمان شهور كنـي =كسيرن عيب الجبار ساقـه يفزع بالصياح هجوع نـاس=لهم بالنوم والراحه علاقـه ألاياليل وش عندك وعنـدي =أنا وياك لا عادت صداقـه |
رد: ديوان الشاعر: خلف بن هذال العتيبي...۞
مشكووووور على الموضوع الجميل وعساك دائم على القوة
لك خالص التحية |
رد: ديوان الشاعر: خلف بن هذال العتيبي...۞
عساك سالم وغانم
مشكور على الرد لك تحيااااااااااااااااااتي |
رد: ديوان الشاعر: خلف بن هذال العتيبي...۞
يستاهل خلف
قصائد جميله |
رد: ديوان الشاعر: خلف بن هذال العتيبي...۞
مشكووور يا بن هليل على الديوان الجميل لشاعر الوطن
لك تحياااااااااااتي صقر عتيبة |
رد: ديوان الشاعر: خلف بن هذال العتيبي...۞
بن هليل
الله يعطيك الف عافية على الديوان والقصايد الجميلة المميزة تــــــــقـــــــ تـــــــحـــــــيـــــــااااااااااااتـــــــــي ـــــــــــــبـــــــــــل أمير القوافل |
رد: ديوان الشاعر: خلف بن هذال العتيبي...۞
مشكور والله يعطيك العافيه
|
رد: ديوان الشاعر: خلف بن هذال العتيبي...۞
ابن هليل مشكووور على الديوان الجميل لشاعر الوطن لك تحياااااااااااتي |
رد: ديوان الشاعر: خلف بن هذال العتيبي...۞
الله الله ياشاعر الوطن
أبو هذال عسى عمره طويل مشكور والله مجهود رائع تحياتي |
| الساعة الآن 12:56 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir