مرت تشيل بيدها شنطه=جذابة االألوان وردية
فوقه عباية حيل منضغطه=مفاتنه مهي بمخفيه
الشعر مزوي فوق بالربطه=كنه سنام(ن)فوق جهميه
بخورها والعطر مختلطه=منته بعارف ذي من ذيه
الزين فيها ما بها غلطه=واضح علاها ميه الميه
شبه الغزال بمشية البطه=لكن ما بالقلب ماويه
سهم التجافي يمنا قطه=ما يدري إني في حنيه
من شفتها والروح منحطة=كني تغير كل ما فيه
أخاف قلبي صار به جلطه=من رعشة(ن)بانت على يديه
لو قابلت طابور من شرطه=صفوا سوا وأعطوا لها تحيه
تكفا يا زين الحسن ذا غطه=لا تتبع السيات للسيه
قدام تاقع يوم في ورطه=من عين واحد فيه جنيه
خاف الكريم اللي لكم حطه=لا تقول:حسني صنعة يديه
وط التعالي والكبر وطه=دامك شباب وروحك(ي)حيه
أذكر حياتك بعدها شرطه=جنة ونار وما لكم ليه
ترى العمر سبحه ومنفرطه=أيام ذي راحت وذي جيه
محطوط تحت أعمارنا شخطه=مهي من الخلاق منسيه

المشاركة الأصلية كتبت بواسطة المحترف العجيب (المشاركة 43893) صح لسانك وعلا شأنك قصيده جميلة من شاعر اجمل وتقبل تحياتي

المشاركة الأصلية كتبت بواسطة الـسـيـف (المشاركة 43900) صح لسانكـ قصيده جميله من شآعر أجمل تقبل مروري

المشاركة الأصلية كتبت بواسطة دليل القوافــل (المشاركة 43926) الله الله الله الله الله صح لسانك نص رائع الله يعطيك العافية لك التحية

المشاركة الأصلية كتبت بواسطة المستشــار (المشاركة 43941) الله الله كعادتك مبدع الله يعطيك العافية لك التحية