يازين ياللي عيونـي فيـك مبلوشـه=ياللي لك ارقاب خلـق الله منعاجـه
حتى خويك نوى من دونك الهوشـه=لانه لحظ نار عينـي فيـك وهاجـه
وده يداري جمالـك قبـل مانوشـه=خايف من العين لا تاكل منه حاجـه
ما يدري اني عثرت وضعت في الطوشه=والقلب ضيـع مداخيلـه ومخراجـه
ما غير اناظر عيون الترف ورموشـه=والمبسم اللي هلاك القلب وعلاجـه
يالدره اللي لونها صـدق مخشوشـه=بابيع عمري واجي من دونها احلاجـه
لو دونها وقف المصري مـع جيوشـه=باصلـه واجيـه واعصابـي بثلاجـه
ياخشف ريم من القنـاص مربوشـه=يذيـره هبـة الـذاري ومعـراجـه
ياللي بحسنك ملكت الزين وعروشـه=تاج الحلا فوق راسك رصعوا تاجـه
مافيه مثلك بشـر تزهابـه الكوشـه=ياحلى صبايا العرب يامسك ياحواجه
حتى لو الكبد من فرقـاك ممخوشـه=بنساك0واسري لو ان العين حناجـه
واقنع خوي يروح ويطوي عفوشـه=مادام من دونها اللي عقـد احجاجـه
لا نبتلش في عفون النيل وخدوشـه=حاسب عشانا 0وخل الرجل دراجـه
نرحل على اللي تهز القاع وتدوشـه=كنها ليا زوعت حـر شلـع فاجـه
ونترك متاهات نهر النيـل وعفوشـه=اللي برفع الكـلام الشيـن لجاجـه
حتى ولو فيهم احلى الغيد منقوشـه=باصبّـر القلـب والايـام عجاجـه
تدهم وطا من توطانـي مـع بوشـه=واقفّل القلب عن الارسال وابراجـه