يـاسكون الليل يابيت الغرام = اسـأل العشاق عـن احلى الكلام
وعطـني الزبـده والعالم نيام = دام قلبي صار ضـمـن العاشقين
شـوف قلبي من فراقه كيف ذاب = ذاب قلبي من هواء راع النقاب
وصـارت احلامي شبيهه بالسراب = راح عـنـي وخـذ مـنـي حاجتين
مـن رحـل عني فوادي ماستراح = كـن فـي جـوفـه سكاكين ورماح
وعـذاب القلب مـن سيد الملاح = كـيـف يـمـشي فالهواء بنيتين
الـمـدامـع مـن غيابه سايله = مـن بـعـاده شفت نجم القايله
وروح قلبي مـن صـدوده مايله = افـرحـت مـن ميلها الحـاسدين
الهواء ياهل الهواء فيه الجروح = يـوم مـر ويـوم ورده لك يفوح
لـو صـفـا لك يـوم مايمكث يروح = تـرجـع أحزانك وتصفق باليدين
الـزمـن غـدار والـدنـيـا تدور = وكـل بيت تجيه اله رخصة عبور
والـشـجـر يجمله حـلـو الزهـور = ليا تمايل مـن يسار ومن يمين
سـاهـر(ن)لـيـلي مـراقب للنجوم = عـلـهـا تـشـفي وتزيل الهموم
وعـل هـمـي لنجلى حـظـي يـقـوم = ورتقي وشـوف انـا نبع الحنين
الـقـدر فـرق مـابـيـن الثنـين = ادمـع العنـين وشـعـل خافقين
والـجـروح الخـافـيـه لا ماتبين = وانـبـسط مـن بعدنا الحاقدين
ياسكون الليل لياشفت الحبيب = نور عـيـنـي روح قلبي الطبيب
بـلـغـه قـلـه زولـه مايغيب = لـو يغيب أيـام وشـهور وسنين
من مشى درب الهواء لازم يطيح = كم فواد من الهواء اصبح جريح
فـالنهاية مايصـح الاَ الصحيح = ويـنـهـم اهل القلوب الطيبين

المشاركة الأصلية كتبت بواسطة binhlailبن هليــل (المشاركة 39634) صح لسانك ما قصرت بس لو كانت القصيدة اطول تكون احسن

المشاركة الأصلية كتبت بواسطة * بنت الشريف * (المشاركة 39641) صح لسانك أخوي قصيده رائعه بكل ماتحمله من اسلوب راقي ابداااااع ليس له مثيل دمت كما تحب يعطيك العافيه

المشاركة الأصلية كتبت بواسطة الـسـيـف (المشاركة 39643) صح لسانكــ قصيدة رائعة تقبل مروري

المشاركة الأصلية كتبت بواسطة نجم العرب (المشاركة 39692) صح لسانك ما قصرت بيض الله وجهك لك تحيتي