أنا البارح بصدفة جات يدي فوق رقم إثنين=على ريموت تلفازي وغير موجة إرسالي
نقلني من حدود المملكة لا ديرة النهرين=وغير شاشة التلفاز ها ثم غيرت حالي
بغا قلبي يطير من الضلوع بسبتك يالعين=فرح مدري لهف مدري منى والا يورا لي
بعد شفت الهنوف اللي طلع لي زامي النهدين=ليا قالوا فرس هي الفرس من دون خيالي
صغير السن مترف تو عمره في بحر عشرين=كسا صدره بياض(ن)كنها الأمزان بخيالي
بهي الطول طوله ظني بالي قارب المترين=كسوه من الجواهر شيء لا أول ولا تالي
يلاعب أشقر(ن)من رقته تجاوز الردفين=ليا ماحه تحسبه عاصفه وتهيج رمالي
أظن عظامها من خيزران(ن)مفرط باللين=على عزف النغم ترقص بعود(ن)غرو ميالي
تناسق عودها من راسها لا مدعس الرجلين=جميع اللي نظرته من مفاتن عودها حالي
حسافه كيف واليها يفرط بالملاك الزين=يخليها تلاعب بالجمال لكل رجالي
ولو إنه من الأحرار والا مخلص(ن)بالدين=منعها لكن البنت بين ما لها والي

المشاركة الأصلية كتبت بواسطة دليل القوافــل (المشاركة 36265) صح لسانك وبيض الله وجهك كالعادة رااااائعة لك التحية

المشاركة الأصلية كتبت بواسطة القنـــــاص (المشاركة 36270) صح لسانك مليون ولا يكفون ما قصرت لك التقدير

المشاركة الأصلية كتبت بواسطة binhlailبن هليــل (المشاركة 36278) حسافه كيف واليها يفـرط بالمـلاك الزيـن يخليهـا تلاعـب بالجمـال لكـل رجالـي ولو إنه من الأحرار والا مخلص(ن)بالديـن منعها لكـن البنـت بيـن مـا لهـا والـي صح لسانك وعلا شأنك صدقت ما لها والي يمنعها ولا دين يردعها