يـاعين بالله دمـعـك لاتهلـيـنـه = الدمع ياعين يحـفي حلو الاجـفانـي
دخيلكِ ياالعيون إنـك تكـفيـنـه = كفي دمـعـك مـن شانك ومـن شـانـي
واجـب عليك تحفظينه تغـطـيـنـه = غطيه بـأهـدابـكِ لا يلحـقه جـانـي
الواجـب انـك على غيره تبدينـه = الـدمـع غالـي نـزولـه حيل عناني
قالت نـزل غصب قلت أمـر تبغينه = يـطـفـي حـرايـق شبت جـوف شرياني
لاشـك دمعـك ذرف مـن شيء تغلينه = قـالـت صحيح الحكي لو العمر فاني
قلت الحقيقه رحـل وانتي تعزينه = مـعـزته تاج وحـروفـه على الساني
صعب(ن) عليك تـرى ياعين تنسينه = وصعب(ن) عليه اتناسى نور الاعياني
أمر القدر ابعده وأنتي تريدينه = ودي بـشـوفـه لكن الحظ يـعـصـاني
الأمـر أمـره لـيـا عود تشوفينه = شـوفـتـه يـاعين تـروي كل ظمياني
لـيـا لـفـاكِ دخـيـل الله تخـبينه = خـبـي تـحـت الرمـوش أعـز انساني
يـاعـيـن بالله لـيـا جاكِ تسمينه = سـمـيـه روح الفؤاد ودم وجـدانـي
مـدام دمـعـك على شـانه تصبينه = صـبـي دمـعـك لين اطيح غـشـيـاني

المشاركة الأصلية كتبت بواسطة القنـــــاص (المشاركة 36130) صح لسانك يا الذيب ما قصرت لك تقديري

المشاركة الأصلية كتبت بواسطة المستشــار (المشاركة 36131) الذيب ذيب صح لسانك قصيدة جميلة لك التحية والتقدير

المشاركة الأصلية كتبت بواسطة binhlailبن هليــل (المشاركة 36142) صح لسانك وعلا شانك لك تقديري

المشاركة الأصلية كتبت بواسطة عساف الأصائل (المشاركة 36149) صح الله لساااااااااااانك وبيض الله وجهك قصيده رائعه من شاعر رائع