بنت ياللي من غلاهـا مهاويهـا حكـا=وإن عجز يكتب قصيدٍ ينوب عن الحكي
شاعرٍ لاجـا يوصفـك للشعـر إرتكـا=لاتوقـع غيـر الإبـداع دامـه مرتكـي
ياأجمل اللي شفت واجمل بنات المملكـا=ماوجد فالبيض لأوصاف مثلـك يملكـي
لأن زينـك سحـر وبعاشقينـك تفتكـا=وانت ماتقصد جمالك هو اللـي يفتكـي
كل من حـاول يوصفـك وبعقلـه ذكـا=ينسحب ويدل بالإنسحـاب انـه ذكـي
شاف بانك صعب توصف وصعبٍ تدركـا=ولاحد يوصفك قبلي لـو إنـه يدركـي
لك جديلٍ كنـه الليـل لأظلـم وأحلكـا=ليل من شـدة ظلامـه سـواده أحلكـي
نورخـدك فيـه نـور القمـر بالفلكـا=والقمر ماهـو بمحتـاج عالـم فلكـي
ياعيون اللـي بمخلابـه الـدم اسفكـا=من بعد هـده لـدم الحبـاري يسفكـي
والحجاج هلال شهـرٍ بمبـداه أوشكـا=منه تعرف شهرطالع وشهـرٍ موشكـي
وكن خشمك سيف خالد بوسط المعركـا=سله لنصرة هل الدين في كـل عركـي
والك جيد الشارداللي من الخوف ادبكـا=يوم شاف القنص جاله عل الارض إدبكي
ولاحكيتي كن في فمـك علكـة مستكـا=وريحة انفاسك من المسك ومن المستكي
ماتبـي تجميـل جملـك خلقـة ربكـا=ميزتك زينـك طبيعـي وخلقـة ربكـي
العقول تحيـر وتقـول مـن أيـن لكـا=حتى انا لاشفتك أقول مـن أيـن لكـي
من لمح زينك تبهـذل وصـار مشربكـا=عاش فالدنيا مبهذل وصـار مشربكـي
لو يدور مـن يشابـه وصوفـك يهلكـا=والله ليتعـب يـدور وحالـه يهلـكـي
عقلـه ليامـن تخيلـك أصبـح منهكـا=مايلام مصـوبٍ منـك عقلـه منهكـي
واهنـي اللـي تصافيـه وادرك حبكـا=وش عليه ان مات يكتب شهيد لحبكـي
ياسعد عينـه مدامـك تضمـه ماشكـا=إغد للـي مـن مفارقـك ون ويشتكـي
لاسمع طاريك كظم مـن الضيـق وبكـا=حيلته فالليل ساهـر وفالصبـح البكـي
عاشقـك بالله وشلـون ينسـى إسمكـا=دامه اللـي حافرٍوسـط قلبـه اسمكـي