ان كان ودك يابعـد روح روحـي=تعرف غلاك بداخلـي قبـل لاروح
تعال فتش في خوافـي جروحـي=تلقى سببها منـك يامتلـف الـروح
قلبي على نيـران حبـك يفوحـي=تزاحم الاشواق بالجـوف وتفـوح
طيفـك بفكـري دايمـا مايروحـي=كن الخيال بشوفة الطيف منصـوح
غلاك عندي بانـيٍ لـه صروحـي=لو كان مالي من هواك انت مصلوح
من زود حبك زاد وجدي ونوحـي=كلٍ عرفني عرف من كثر مانـوح
ان كان طرفي مثل قولك ذبوحـي=وراه قلبـي مـن محبتـك مذبـوح
عطني جوابٍ فيه علـم وضوحـي=وتراك مهما صار معفي ومسمـوح
لاني احبك مـن فـوادٍ نصوحـي=والقلب بابه لجـل عينـاك مفتـوح
عشق حضرية صدق مابه مزوحي=اليا عشقت من قلب باشواقها تبـوح
تعال شفني كان للصـوت توحـي=داو الخفوق اللي من الحب مجروح