على حظ الزمان ولحظة الأقفاي والتوديع=تسابق بي بيوت الشعر عبره بس مخفيها
مدام الحب في قلبي وشوفه كل يوم يضيع=انا لاضاقت الأيام مدري وين اوديها
تلاعبي يمين ايسار لكن قمة التلويع=لاصرت محدد اهدافك وفجئه تنكب فيها
الا ياعمري اللي راح كله مرحلة تجميع=ومعك ضيعت قلب انسان ياظالم تسويها
اما تعلم بأن الحب حارب مبداء التنويع=لأنك كان بتنوع كوارث من بيحصيها
متهات الغرام ان كان جاتك والحبيب مطيع=تحملها وقل زله وبدمحها وعديها
بدايتها نهايتها كذا ماتقبل التوزيع=مدام الحب عالمها فلا تحسب لياليها
الا يامعشر العشاق لاترضون بالترويع=ترى العاشق اليا خربت كره من جاب طاريها
ولابه رجل يحسب رجل يقبل مبدأ التركيع=واذ قفت زعل وعناد قول الله يهنيها
ترى مارح من عمرك مضى مايقبل الترجيع=لاتقعد تربط احلامك وعمرك في رجاويها
عزيز النفس لاتصبر واذا باعك حبيبك بيع=ولا تحسب نهايتها ولا تحسب تواليها