هــلا يا مرحـبا عداد من صلى وحـج وطــاف=أبو ثامـــــر جوابــــه وازن دقـــه بمثقالـــه
يصـرف للعلــوم وهرجتــه ما تنتظر حــلاف=ليا منه لفــــانا كل من جـــــانا توحــى لـه
أنا خابره شــاعر والبحــر ما ينقصه مغــراف=مرتب للمعاني بين مخراجه ومدخاله
علومــه وافيه ما يقبل الهزلــه ولا الأنصــاف=على درب الجـدود ابــوه وعمــــه وخــالـــه
كريم سـبال طيـب فـال لا ينذم ولا ينعـــاف=مجــرب بالعلـــوم الطيبه والمــدح والقـــاله
تقوله يا صحيبي وانت لا قبلي ولاانت خلاف=على درب الكرم والطيــب كـل لازم سبالـــه
ليا حــك اللبـط للبط وصلت حـزة المشــراف=أنا خـــابرك من ربــع نقاضــــه وفــتالـــــه
أبو ثامر يشـيل السـلم ما دور على صـــراف=ويصرف من بنوك الشعر ما يطري على باله
وصلني علمكم والعلم واضح ما عليه لحــاف=ألا يا زيــن علم الطيب يســلم شــاعر قالــه
يقولون العـرب الشعر ما يتــرك الأهـــداف=وهــذي عادتــه ما بين نظـــامه وشــيالـــه
تبالـغ بالعلوم وربنــا ما حبـذ الإســـــراف=وهذي حــالة الأجــواد كل يعــرف بحــالـــه
أنا يا صاحبي بالشعر ماني بمنزلة صيـاف=لكني أعــرف المعنــى بروحاتــه ومقبــــاله
ولا ني خابر بالخلق من هو كامل لأوصــاف=تفرد بالكمــــال اللــــه واحد جــل إجلالـــه
وختم القول يا صالح ترى الله واسع الألطـاف=وصلوا فوق سيد الخلـق والرحمــن أوحـى له

المشاركة الأصلية كتبت بواسطة ۞النجـــــم۞ (المشاركة 27155) صح لسانك وعلا شأنك قصيدة جزلة من شاعر جزل لك تقديري

المشاركة الأصلية كتبت بواسطة دليل القوافــل (المشاركة 27164) صح لسانك بيض الله وجهك قصيدة جزلة لك تقديري

المشاركة الأصلية كتبت بواسطة نجم العرب (المشاركة 27266) صح لسانك وعلا شأنك لك خالص تقديري