لـي بكرة(ن) هـجـت مـدري على وين = مـن شافها يرسل قلبي لوطنها
ثمنها الوجـدان والقلب والـعين = أغـلا الثلاثه في حياتي ثمنها
اللي يبيها القلـب خمسه وثنتين = وسـام للبكره يميز بـدنـهـا
أريدها من بـيـن كل الـمـزايين = لكن روح القلب حـظـي غـبنها
مـن جورها القلب ما يعرف الزين = ماغمظت عيني أدور سـكـنـهـا
دورتها فالهنـد والسنـد والصين = لكن ماعيَنت حـتـى لبـنـهــا
سألت عـنـهـا وزرت كل الميادين = حسبي على منهو ياخالد دفنها
ياخالد البكره غذاء للـشـرايين = هي الـدواء ياحـظ منه زبنها
البكره اللي جـرعـتـنـي الامرين = ماشفتها ساعه ولا حلت عـنهـا
إيحيل عنها العمر لا صـار سـتين = يرحل بعد مايملي الجوف منها
البكره اللي خـيرها يقضي الدين = راحت ومدري منه اللي سجـنها

المشاركة الأصلية كتبت بواسطة binhlailبن هليــل (المشاركة 26471) ما قصرت مشكور لك تقديري

المشاركة الأصلية كتبت بواسطة المستشــار (المشاركة 26475) صح لسانك يالذيب لك تقديري

المشاركة الأصلية كتبت بواسطة قائدالقوافل (المشاركة 26476) الله يعطك العافيه قصيده جميله

المشاركة الأصلية كتبت بواسطة عساف الأصائل (المشاركة 26483) مشكور وما قصرت لك تقديري