ماكل من رام المعالي وصلها=ولا كل من له عين يمشي على نور
ولا كل من شيد حصونه سكنها=ولا كل بيت(ن)يمنعه عالي السور
ولا كل نفس(ن)جائزه عن وطنها=حب الوطن بالنفس ظاهر ومغمور
ولا كل من غادر بلاده لعنها=بيحن للاوطان لو كان مجبور
ولا كل من يشري حبال(ن)فتلها=ولا كل من يمشي مع الناس معسور
ولا كل من يسمع علوم(ن)فطنها=ولا كل رجل(ن)بالسواليف مشهور
ولاكل من يحوي المعاني وبدلها=ولا كل من يمشي على الأرض مأمور
ولا كل من رام الشكالة كملها=ولا كل من يضحك على الخلق مسرور
ولا كل من يقنا الركائب عقلها=ولا كل من يعوي عوى الذئب مكسور
ولا كل من له عين غيره كحلها=ولا كل من عمره سويعات وشهور
كل نفس مرهونة بصالح عملها=ولا كل من فاضت به النفس مقبور
ولا كل من خطط لامور(ن)ضمنها=ولا كل مطلب تطلب النفس ميسور
دنياك هذي حيرتني وأهلها=كل ما تلاشى جمع زفت بطابور
إحترت أنا بالناس مكثر مللها=أحد(ن)معي والبعض من دونه بحور
إن جيت أراضيها وأخفف زعلها=يرضى مئة ويلازم البغض جمهور
كثرت مشاكلها وكثرت حيلها=أحد(ن)يقول الحق والبعض في زور
ما عاد تعرف وين يكمن خللها=أكثر مصايبهم عن العين مستور
والعد ما تصفا لكل من دهلها=يوم(ن)زلال ويوم في جمه صخور
والعاقل إن جاته خطيه زهلها=يتلمس لصاحبه عذر(ن)على الفور
الا ليامنه تمادى زللها=الحر ما يرضى على الضيم والجور
الطارفة للذئب لقمة أكلها=من لا تحذر بأخر الوقت معقور

المشاركة الأصلية كتبت بواسطة binhlailبن هليــل (المشاركة 23907) صح لسانك وعلا شأنك قصيدة كلها حكم لله درك تقبل خالص تقديري

المشاركة الأصلية كتبت بواسطة القنـــــاص (المشاركة 23915) الف شكر على هالرائعة قصيدة رااااااااائعة جدا حكم وأمثال بيض الله وجهك هذا القصيد الزين لك تقديري

المشاركة الأصلية كتبت بواسطة المستشــار (المشاركة 23918) ولا كل شاعر يبدع مثلك قصيدة جزلة حكم وأمثال ومعاني راقية لك كل التقدير

المشاركة الأصلية كتبت بواسطة عساف الأصائل (المشاركة 24081) صح لسانك قصيدة جميلة بيض الله وجهك لك تقديري