أنت الذي من بدة الخلق بفديك=تفداك روحي بعد صرتي قدرها
نفسي بصمت الكون والله تناديك=وعيني تراكي للمسافة نظرها
حبك بقلبي حرك الشوق تحريك=يا سيرة أيامي وصادق خبرها
ما صابني من شوق أضعاف ما فيك=يا جنة أحلامي وريحة زهرها
الشعر كله ما يوفي معانيك=لجلك ببيع الكون وأنسى بشرها
كل العذارى ما تساوي مواطيك=الروح عندك والجسد ما حضرها
والله أنا مشتاق صوتك وطاريك=وأكتم جروح الحب والله سترها
لو كان لي مقدور بطير وأجيك=يا شمس روحي والحلوم وقمرها
ليا غبت عني أنتظر في حراويك=كني يتيم(ن)ينطرأم(ن)خسَرها
بعد عرفتك بعت هذي وهاذيك=سكنتي أعماقي وحبك عمرها
سلمتكي روحي على طول بيديك=خذي حياتي كلها من جذَرها
وليا طلبتي زود والقاه بعطيك=أنا الصحاري وأنت رحمة مطرها
أموت فيكي يا غرامي وأناجيك=يا بهجة أحلامي ونُظرة ثمرها
ما هو بقا من عمر ودي أخاويك=يا من هواها كن كبدي فطرها
والله أنا أبيك وأبيك وأبيك=وأخاف لا روحي تموت بقهرها
هذا جواب اللي من الناس مغليك=اللي غرامك في ضلوعه عصرها

حروفك تحمل من عبق الورود وجمال آبداع الآحرف ..

وجعلتني أبحر بين طيات سطورك الفريدة ..

لقد رسمت لوحة عشق صادقة ..

أقسم لك أن حروفك أدهشتني ,,

وخيالك أتحفني ,,

وإحساسك الراقي لامس شغافي ..


انتظر سنا حرفك القادم ..


لك مني أسمى تحية..


***********

غــــــــــــرااااااااااااااااامـ

المشاركة الأصلية كتبت بواسطة ۞النجـــــم۞ (المشاركة 20784) الله الله ما أروعها من قصيدة وتستاهل هالرد من غرااااااااااااااااام وردك عليها ويا ليت كل المواضيع تصير كذا لك خاص تقديري

المشاركة الأصلية كتبت بواسطة عساف الأصائل (المشاركة 21024) صح لسانك مليون قصيدة تستاهل هالردود الجميلة لك خالص تقديري

المشاركة الأصلية كتبت بواسطة الــزعــيــم (المشاركة 21350) صح الله السااااانك وبيض الله وجهك لك خالص التحية