من هو بغاني واتصل بي لقاني=واللي يدور للعذر فيه تشكيك
لو كان صادق متصل بي تباني=لقيتني بالحال قدام عينيك
أنا تراني لأجل عينك تراني=ببيع كل الناس يا زين وأشريك
ولا تحسبني سهل لمنهو بغاني=والا بزج الروح بكل المهاليك
أنا خلاص إخترت والله عطاني=ما عاد ابي هذي وذيه وهاذيك
إخترتك أنت وأنت نور العياني=ولاني بلاقي بالبشر من يساويك
أنت الذي حليت بأعلى مكاني=ملكت قلبي والمشاعر تناديك
لكن كثر الصد والله حداني=وأنا الذي أدعي عسى الله يهديك
وش بك علي وليش كثر الجناني=كثر الظنون تفكك الشوق تفكيك
وأنا الذي اوصيك سر وبياني=قد ايش يا سيد الخراعيب اوصيك
كم قلت لك أهواك بأول وثاني=وأذوب فيك وليتني ذائب(ن)فيك
بلغتها الك بالقلم واللساني=معاني أشعاري ترى من معانيك
وإن كان صدق من المحبة تعاني=بفديك أنا بالروح بفديك بفديك
والله ما زعلك وأنت عشاني=تكتب قصيده حبرها من مآقيك
أمر على روحي وكل الكياني=وأبشر بسعدك عهد والله لأرضيك
بقدم أعذاري بكل المعاني=وإن كان ما تكفي ترى لزم بجيك