ليش العذارى يا سـعد ليش مدري=تمـر من عنـدي مـرور الكـــرام
من ذا التصرف ياسعد ضاق صدري= ليـه العـذارى ما تـرد الســـلام
ومن ذا التصرف يا سعد قل صبري=وأظـن هذا يا رفيقــي حـــــرام
قابلت لي بالقاهـرة غـروي مصـري= من بعد شوفه ما هناني منـام
جمع وصوف الزين والعــود مغري=ما لبس طرحة ولا تغشى لثـام
شـــفائفه تقــــول قبّـــــاس جمـر=مع هبــة الأرياح جـوف الظـلام
مزيــج لــونه من بيـاض وخمـري=وعيون نجل رموشها من سهام
وعود تقل مقسوم من عند خصري=وشعر من الرقة كريش النعـام
أخــذت لي مقــدور سـاعة وعشــرِ=اقلــب الأفــكار شـــرقي وشــام
أناظـره وأبيــع بهجوس وأشـــري=ودي بهـا وأخاف بعـض المـلام
ودي بها بالطيب ما أبغـاه قسـري=ولا خير في شي يجيء باقتحـام
قـام يتقلقـل وده يقــوم يســــري=وأنـا على المـركاز فيني غـرام
نسيت ما فيني وجمّعت لأمـــري=ونصيتهــا وهي تشــد الحزام
قلت السلام الليل يا زين بــــدري=توا السـهـارى حظهم ساع قام
قال أنت تعرفني قبل قلت عـذري=أنا غريب وضيف وأنتم كــرام
قالت هـلا أنا تـرى وجهــه بحــري=يا مرحبـا بالضيف عـال المقـام
ودك ترافقنــي أوريــك قصـــــري=وإلا تخـــاويني لحفــل المـــدام
نقضي سوا ساعة وأرجعك دغـــري= نطبع على صدر الليـالي وسام
قلت العفو ما كان قصدي تمـــزري=ما أحـب لمّـات البشر والزحـام
إن كان تسمح نقضي الليل ســـترِ=في شـقتي والجـو فيهــا تمـام
بسـمعك الحـــان وأبيـات شــعري=في جـو ما يخـطر لكِ بالحلام
نقضي سويعات الهوى حب عـذري=ترقص مع الأنغام رقص الحمام
حب العذارى في أنــا شيء فطــري=وأنتِ ترى حبك بصـم العظـام
ضحكت حياء مدري تدلل ومكـري=وكيد النساء معروف مابه كلام
مد اليمين وحطهـا خلـف ظهـري=وبدت بهمسات الهوى والهيام
قالت أخــاف إنك مع الشـد تـزري=قلت العفو الفعل يجلى العسام
أنا ترانـي بالغــزل رجــل عصـري=من كل شيء وشيء فيني عـــلام
خلك إلـي بالــود مـوقوف حصري=وأخــذ مطاليبك بليــا خصـام
جــرب وبالتجريب قـدرك وقـدري=خل الحكم بعد السهر بالختـام