القوافل العربية - قصيده حكمه

يا رب يالمرتجى يا عـــالي الشاني
يا عــالم الشــان ظاهرهـــا وخافيها
يا مــن تــفرد بملكه مامعـــه ثانــي
يا مـــالك الكــون والدنيــا وما فيهـا
لي حاجة يا إلــهي جيت لك عانــي
يالله ياقاضي الحــاجــات مــوفيهـــا
يا غــافر الذنب عاملـني بغــفرانـي
يا رب يا غـــافر الزلات رافــيــهــا
رجواي عفوك بعد جهلي ونسيانـي
مالي سوى رحمتك يارب تضـفيـهـا
يا رب ثـقـل نهار الحشر ميـزانـــي
فــي ساعـــة كل أعمـــالي يوافيــهـا
يا رب تدحر هوى نفسي وشيطاني
من ما بهـا النفــس يا ربي تعـافيـهـا
النفــس للحق أجاذبــها وتعصـانـي
تتبع هــواهــا و لالي حيلــة فيــهــا
جربت انا الوقت والتجريب برهاني
قاسيت الأيــام وافيــها وهــافيــهــا
يا مضيع الوقت لا فايــد ولاجـانـي
رجليك بدرب الشقا والغي محفيهـا
خسران يا تابع اللذات خســرانـــي
تجفاك الأيــام لــو ما كنت جافيـهـا
لا خير في طول عيش والاجل داني
والعمر رحلة وداع والموت قافيـهـا
والعمـر لــو طـال كل معمر فـانـي
والخاتمــة حفــرة تـذرا ســوافيــهــا
يفنى شبابك وتلعب فيك الأزمانـي
حلوات الأيـام ما يسعفـك صافيــهــا
لا تم شيء تــرى تاليــه نقصانــي
ذي سنــة الكون يااللي جاهــل فيــهــا
اللي فعل خير يلقى خير واحسانـي
واللي عمـل شـر حسراته وقع فيـهــا
لا مــال يغني ولا ينفعك خــلانــي
وكل بحــالــه وفيــهــا ما يكـفــيــهــا
يوم السجلات تنشر بين الاكوانـي
ما عــاد لــك تثبت الحجــة وتنفيــهــا
والختم صلوا على المبعوث ياأخواني
عد الشجر والحجر واللي مشى فيهــا
الشاعر فايز الحربي