لك وحشـة بالقلب عـارف سببهـا=لكن مكنون الضمــائر ســجنهـا
الــروح مشتاقــة وقلبي قضبهــا=والعين بصمات الهوى في وجنها
النـار شـبت من ضلوعي حطبهـا=لكـن بصبــر ليـن يخمـد وسنها
وإن كان ما خفـف زمـاني لهبهــا=شكيت لك لعـل تنقـذني منها
نفسي تريـدك واحـد من عربهــا=والشوق لك عن كل شيء فتنهـا
هـواك فكـري في خفـوقي كتبهـا=ومشاعري باللهف تدفع ثمنهــا
روحـي بعد غيبتـك وُتر عصبهـا=طولت يا محبوب غيبتك عنهــا
يوم كنت يمـك ما عرفنـا طلبهـا=أثر الهوى من شوفتك قد سكنها
بعد السـفـر حسيت شيء قلبهـا=أمست عيوني رؤيتك هو وطنها
كذبت حـالي قلت فكـري غصبهـا=إعجـــاب وإلا حلـــم وإلا لحنــها
أثـر إن حبـك الضمــائر سلبهــا=وبــدأ يحــرك بالمشــاعر شجنهـا
بدأت أناظر صورتك وش عجبهـا=لقيت فيهـا حُسـن يأمر وينهى
أخـذت جــوالي وعجـــلٍ طلبهــا=كنـه يعرف القلب فيّ احتضنهــا
ردت وقالت وحشتك من سكبهـا=بين الضلـوع وفي خفـوقي دفنهـا
يا بعد عمري روحي أقفـا تعبهـا=ســؤالك أنهى للهموم وعفنهـا
روحي بعد سمعتك ولّى غضبها=صوتك قتل في الشكوك وحَزنهـا
قلت أنت مولع قالت أكثرو أبها=بس الحياء منع لسـاني يعلنهـا
لو كنت تنظـر للعيون وهدبهـا=فهمت مكنون الضلوع وشطنها
أنت وأنـا كنـا الشـعور نحجبهــا=والآن فــك أحلامنـا من رسـنها
خـل المشــاعر نرتوي من قربهـا=لا تتــبع المقـفـين وإلا ضـعنهــا
لكن فكـرك كان مشـغول كبهــا=في داهيـة هيّ وبـاقـي رعنهـــا
ولّت وولّـي مكرهـا مع نشبهـا=لا تبكي اللي راح واللي شحنها
لو كان فيهـا خير صانت ذهبها=ما باعته بالسوق وأخذت كفنها
هذيك جربـا كل ســائح ركبهــا=ما تنـكل أو ينشرب من لبنهــا
من طاب طيب له حلـو طببهـا=ومن لا يشوفك خير اللـه لعنهـا