يا ملاك الروح لا لا ما يصير=
خل نور الجيد ينعشني ضياه =
لا تمد يديك للشعر الحرير =
هز راسك وارفعه يرجع وراه=
الشعر وده على العاتق يطير =
مثل شرطان الذهب واهج سناه =
خل شلاله يداعبه العبير =
ناعم النسمة تطيعه وتعصاه=
يفضح الاسرار مختال النظير =
ورمشك الفتاك يجرح كبرياه =
بس من تعذيب مجروح الضمير=
يكفي انه بالهوى تاهت خطاه =
فيك انا ابحث يا حبيبي عن مصير=
واسعد العشاق من حصل هواه =
تايه الآمال سيرها وتسير =
الله الله من خذا حب عطاه=