رمش العيون السود هو سبة الجرح=خل الخدود وخل عنـك الشفايـف
بعطيك موجز مع قليلٍ من الشـرح=ان كان منت من ادعج العين خايف
لاسلهمت تشوف من حولها طـرح=برماحها اللي مثل حـد الرهايـف
فيها الحزن والضيق والسعد والفرح=فيها من الاضـداد تلقـى ولايـف
السحر والموت الحمر بانيٍ صـرح=بين الرموش السود بابـه مسايـف
ماحولها حد النظـر منبـرح بـرح=واللي يقف ماطاح يبقـى مهايـف
باسبابها قلب العنـا صايبـه قـرح=ماتضـرب الا بالضلـوع النحايـف
سبحان من صور بها الفرح والترح=واضفى عليها من بديع الوصايـف
بحسابها ماينفع الجمـع والطـرح=ولاتقبل القسمـه وتاخـذ نصايـف
ياليت يكتب في جبين الضبا شـرح=تنبيـه بالاخطـار قبـل الكـلايـف
يكتب على ماقالوا اهل الهوى جرح=يعني عذاب وحسن طاغي وكايـف