يا فارسي توك تراني مثيره=أنت الوحيد اللي كشفت لك الأسرار
بس أنت عجل يمنا بالمسيره=تلقى فرس تصهل تبي رجل مغوار
أنا على شأنك كرهت العشيرة=وكرهت حتى نفسي وعزف الأوتار
ما عاد ابي بغداد ولا أريد ديره=أريدك أنت بس يا نور الأقمار
من حرقتي شيبت وأنا غريره=.يا شيب عيني منك يا خير الأخيار
يا ويل قلبي منك هذا مصيره=ترضى على الموت يا ولد الأحرار
أكيد من بعدك حياتي قصيره=يا كود ساقتنا على بعض الأقدار
قلت أركدي يا بنت وبالأمر خيره=قالت لا والله مت بناقص أعمار
قالت أنا فيني من العشق غيره=أحس في جوفي وقائد من النار
أغار من كل البنات الصغيره=وأغار منهن بعد لو كانوا كبار
أغار فوققك من بنات الجزيره=وأغار حتى من محمد وعمار
أغار من سلوى وسالي ومنيره=وأغار حتى من قصيدك والأشعار
قلت أركدي وش ذا العلوم الكثيره=.قالت أنا طبعي على مثلك أغار
أغار حتى من الثياب الستيره=وأغار حتى لو ما شيء لك صار
أغار حتى لو ما جات سيره=وأغار حتى من هوا الجو لا طار
أغار من صدرك شهيق وزفيره=وأغار من نظرات عينك بالأسفار
لو الهوى هواى وعندي بصيره=ما كان خليتك تسير ولا دار
بقيدك واربطك بشعر الظفيره=أموت من شأنك ولا القهر والعار
قلت إصبري ويا عل بالأمر خيره=غيرتك هذي جور من ضمن الأجوار
قالت أنا بموت غيره وحيره=وأنت تقول الصبر يا ويل صبار
ما عاد عندي صبر خلص كثيره=ما باقي الا نار بالصدر وإعصار