الوصل لقلوب المحبين راحه = لاتم وصلك بالمحبين ترتاح
بالوصل موقف للغلا واستراحه = ولقيت في بعض الهوي سمّ أذحاح
للقلب ساعة وصل تبري جراحه = ماطاب جرحه وانته ايدينك اشحاح
حبٍ بليا وصل يصعب نجاحه = يعني يسمي تقضيت وقت ومزاح
دام الفرص لوصالنا لك متاحه = لاتضيّع الفرصه يزيدين الاجراح
بحر غرامك تصطفق بي رياحه = تلعبي امواجه بلاشرع واللواح
أيام تزها بالعفو والسماحه = واطمع بوصلٍ منك وأطلبك بلحاح
وأيام قتل الروح عندك مباحه = لو الشريعه حرمت قتل الارواح
بين الوصل والهجر نفس المساحه = وأنته تخيّر بين هجرك والاصلاح
تبي صراحه ما وراها صراحه = أنا تعبت من المعاتب وبرتاح