يا صديق المشاعر يا جميل الشعور=غُبر الأيام دونك عاويٍ(ن)ذيبها
كل ما قلت تصلح واهتني بالحضور=غرزت في هناء رورحي مخاليبها
كن الأيام ما تبغا لقلبي سرور=حايلة دون شوفك والجفا عيبها
والظروف المكيدة ما تخلي قصور=تسعف الوقت بالمجهود من ريبها
ما تبي جمع شمل أحوالنا لو مرور=شيب عيني من الأيام وا شيبها
أشعلت في حشايه يا غرامي حرور=كن قلبي يكوى من مشاهيبها
ما بقي لي أمل بعلاج يشف الصدور=طارت أمالي اللي كنت أماري بها
طارت أحلامي الحلوة سواة الطيور=والقصائد تخلت عن مشاريبها
طيفك اللي تخبره مستكن ما يزور=كن فوقه رقابة صلف ترتيبها
صاب طيفك غرور وصاب وصلك غرور=المضامين تعرف من مكاتيبها
يا علاج الصدور ويا علاج الظهور=علتي من بعدكم صعب تطبيبها
ضاق صدرٍ(ن)وسيع وقل صبر الصبور=بعد ما النفس خابت من مطاليبها
ما بقي غير ونة موردة للقبور=الله إنه يفكك من عواقيبها
أظلم الوقت من بعدك ولا فيه نور=ملت الروح من كثرة تجاريبها
يا جميل المحيا يا شبيه العطور=المقادير تمضي وأنت تدري بها
الليالي تدور وحظنا ما يدور=والهواجيس تومي بي ونومي بها
من بداية وجودي لين يوم النشور=المقادير تشهد في محاريبها
يا صديق المشاعر يا جميل الشعور=غُبر الأيام دونك عاويٍ(ن)ذيبها