يا مشغلٍ(ن)للقلب بالذوق والحسن=لا تحسب إني عنك يا زين لاهي
هواك من كل المشاعر تمكن=تشرب عروق القلب من جم راهي
هواك وسط القلب يغلي كما البن=وأنته عرفتك للهوى خير طاهي
ما لي سواك بعالم العشق ياهن=أنت الذي منك الغرام متباهي
أنت الذي لأجلك ضلوعي تحنن=عليك يا سر الغرام الإلاهي
يا مشغلٍ(ن)للقلب والفكر لكن=ليتك توضح جفوة الحب ما هي
لن صرت عني معبدٍ(ن)يابعدهن=تلعب الأوهام مثل الملاهي
أون بالحاضر وللماضي أحن=حن الخلوج اللي دهاها دواهي
ودي تواصلني تخفف من الون=اللي حرم روحي لذيذ المشاهي
غديت من بعدك مثل يابس الشن=تومي بي الأوهام والحظ فاهي
لكن تفنن في عذابي تفنن=مهما تسوي عنك ماني بساهي
وأنا أشهد إن العشق ضربٍ(ن)من الجن=اللي يصيبه تالي الأمر ناهي
لكن طلبتك لا تزود لي الغبن=خفف معاناتي بوصلٍ(ن)فكاهي
يمكن على ما قيل يمكن ويمكن=أطيب من جرح البعد والنواهي
لا صرت في قربي وتأصل بلا من=كلي يروق بجاه وصلك لجاهي
يا مشغلٍ(ن)للقلب بالذوق والحسن=لا تحسب إني عنك يا زين لاهي