نخيت انـا الشعـر وتعـزوت حروفـه =انـا دخيلـك يالشعـر قـال لا بــاس
قـال اشتبـي يـا زابـن بـان خوفـه =وش فيـك يارجـال تايـه ومحـتــاس
قلت الحبيـب اللـي نبـي مـا نشوفـه =ولا بـه شبيـه لـه ولا مثلـه اجنـاس
(وقتي)( وحظي)( والسلـوم) وظروفـه =تحـول دونــه والمعالـيـق يـبـاس
قـال ابشـر بعـزك وعظـم احلوفـه =اني لاجيـب اعلـوم خلـك بقرطــاس
قلـت البـلا مـا تقـدر انـك تحوفـه =وصعب عليك اتجيـه ياطيـب السـاس
ثم قـال لـي مـا دام نفسـك شغوفـه =لاخبار خلك تظرب اخمـاس باسـداس
دونك نسـوق الحـال ماهـي حسوفـه =ولزم(ن) علي اروح لرضـاك عسـاس
وجاني وقلت اخبـار راعـي النكوفـه =وجلس واشوفـه فيـه هـم ووسـواس
قلت العلـوم وقـال مـا مـن مروفـه =لقيـت نـاس دونهـم عشـر حــراس
فيهـم جمـال مـابـه احــد ينـوفـه =واحترت بازينهـم وضيعـت الاقيـاس
مـن بينهـم غـرو(ن) بحالـه نحوفـه =يفـل شقـر وسطهـا لمعـة الـمـاس
والنـاس فـي حفلـه وبيـض كفوفـه =وبان الحزن لي في حور ما ادري انعاس
دعـج عيونـه والمبـاسـم عطـوفـه =وعليـه خصـر ناحـل وقـد مـيـاس
ولاحضت بـه حاجـه اكيـد معروفـه =الاخـد الايسـر فيـه شامـه ونبـراس
ثم قلت وقـف والله انـي ذي اوصوفـه =هذي اوصوف اللي عشقته مـن النـاس