نامي بحضن الحلم يا مصدر الحلم=وأنا لعينك بسهر الليل حارس
نوم العوافي يا هوى خافقي نم=ارتاح وتريح جميل النواعس
خل السهر لعيون عاشق ومغرم=اللي عليه الشوق بالليل كابس
يصبح عليه الصبح ما روق الدم=الريق من كثر التحاسيف يابس
ما ريح الخاطر ولا خلص الهم=طول الليالي جوف الأشواق غاطس
أنت الهوي وأنت الهنا وأنت بلسم=هواك خلف العوج بالقلب غارس
وأنت الشقا وأنت العنا وأنت مرهم=وأنت الغرام اللي من سنين دارس
غرامنا لو المخاليق تعلم=يمكن يظلي من دروس المـدارس
يا جنة الدنيا ويا ورد ينشم=يا ريم روضٍ(ن)ما تولاه حابس
يا كم كم وكم في دنيتي كم=ناديت طيفك في دجى ليل خارس
يا علني من بهجة الطيف ما اعدم=اللي جعلني فيك مغرم وفارس
لباك يا طيف الغلا راعي التم=يا من جعلني بالمحبة ممارس
أسهر وأساهر ساري الطيف وأقسم=إن الهوى ناره بليا مقابس
لا زارني طيف الغلا صدر الحكم=يطري عليًه بالسهر الف هاجس
نامي بحضن الحلم يا مصدر الحلم=وأنا لعينك بسهر الليل حارس