فوق غصن القصيد اللي تمايل لحونه=غردي يا قوافي واسجعي يا قصايد
قاف شعري نظمته والشعر يقنصونه=مثل ما يقنص الصياد شرد الطرايد
يا قوافي تباهي والشعر من عيونه=لا نظمته بكيفي جبت كل الشرايد
خلي القلب يغرق كان ربي بعونه=في بحور الأماني والحلوم الجدايد
الفؤاد المعنى ما تكبه جنونه=طول الأيام يركض والمتاعب قـلايد
بين ليت ولعل القلب تكبر شجونه=وبين ول وحسافة مكسبه بالشدايد
راح عمري وأنا ما بين عز ومهونه=أتبع لحلم عمري والخساير فوايد
حلمي اللي رسمته صار باهت بلونه=آه من حظي اللي ما يحقق عوايد
كل يومٍ(ن)يمر القلب تكبر حزونه=بين حالي وحلمي ضاع والحمل كايد
لن ذكرت لوليفٍ(ن)حايل البعد دونه=صاح خلف الضلوع وشب جوفه وقايد
وده بقرب مضنوني وخابت ظنونه=بالظروف المكيدة والزمن والبعايد
ليت حظي يجيبه وأهتني من فنونه=وأنظم بسيد روحي من قصيدي فرايد
فوق غصن القصيد اللي تمايل لحونه=غردي يا قوافي واسجعي يا قصايد