اتصالي والرسايل وشعري والسلام=كلها ما جابت اللي تغلا واسـتكن
ان بغيت اعاتبه العتب فيها حرام=حيثها قطعة من القلب واصفا من لبن
طيفها طير من العين معسول المنام=السهر والشوق بدفعه في حبي ثمن
يا رفيع المنزلة بالمكانه والمقام=إرحم اللي في غرامك بلا حكم إنسجن
أتقلب كني اللي تحت رمي السهام=من يدين اللي معادي وقلبه ما يحن
لن ذكرت اللي له القلب مرهون الغرام=من سنين القلب بيديه قدمته رهن
أتشوق للغلا بكل عزة وإحترام=وأتشوق أسمع لصوت مجمولٍ(ن)أغن
أتشوق شوفة اللي مخبيه اللثام=وأتشوق شمة لعطر ما فوق المتن
ياخدين العشق ماعاد يغنيني كلام=الهوى قطع عروق الخفوق الممتحن
ما يعالجني من الشوق يافرخ الحمام=غير لحسة من عسل بالشفاه بدون مَن
لاجل نرجع مثل وقتٍ(ن)مضى كله تمام=مثل ما قالوا نعود عسل مخلوط سمن
أتغزل فيك وأرجع معك توي غلام=أتمعن بالمفاتن وأغنيها لحن
يا رفيق العشق مني قبل بيت الختام=حبك المجنون رمحه بخفاقي مكن
شاعرك مجنون والحب يوصل للهيام=والقلم مرفوع عن كل ملموسٍ(ن)بجن
اتصالي والرسايل وشعري والسلام=كلها ما جابت اللي تغلا واستكن