الله الله يا زماني من هو اللي صار قدي=عشت ليلة بألف ليلة حظي العامر دناها
ليلة البارح زهاها يا زماني حلم وردي=المشاعر طول ليلي غارقه بأجمل هنـاها
فوق خصر الحلم طاوي معصمي مع كف يدي=ليلةٍ(ن)حمرا على ما قيل تغني من غناها
فاحت عطور المكان بريح مسك وريح ندي=تنسي الشايب وقاره والحليلة من ضناها
أشعلت نور المكان الشمع بقلوب التحدي=ثم قالت:قوم وأرم الروح في واهج سناها
قلت:حاضر تامري يا بعد بوي وبعد جدي=الأصايل حقها يا غالية ننهي عناها
قالت:أرحب ذا عشمنا يا بعد حيي وبعدي=الحصون النايفة من حق زيزومٍ(ن)بناها
قلت:هذا مقصدي عند اللزوم يبان جدي=فارس الفرسان والخيلة تكيف من ثناها
صهوة الخيلة ليان وفارس الخيلة معدي=إصهلي بنت الحصان الروح صهوتكِ(ي)مناها
قدمك الميدان يا بنت الأصيل وكيف ودي=الأصيلة ما تخيب فارسٍ(ن)مثلي قناها
يا عذوق السكرية يا لضا صيفي وبردي=الذوايب فوق متن البدر يهجيني جناها
يا عواصيف الغرام الليل كله لا تهدي=اعصفي بقصور عشقي لين يقنع من بناها
وقفي خلف الحنايا لا تعدي لا تعدي=لين تروى من هبوبٍ(ن)ساقها من هو حناها
الله الله يا زماني من هو اللي صار قدي=عشت ليلة بألف ليلة حظي العامر دناها