يا مسافرٍ(ن)صوب الشمال وضواحيه=سلم على مريوشة العين سلم
سلم على اللي غالي الروح يغليه=سكن ببيت الروح والحر يفهم
وليا نشدك أبلغه باللي معانيه=حبه بقلبي والمشاعر تحـكم
قل للغضي عيني من البعد تبكيه=العين تذرف والفؤاد يتألم
ودي بشوفه يا عسى الروح تفديه=لكن ظروف الوقت ما عاد ترحم
لولا الظروف اللي حدتني وتحديه=في ذمتي لأجيه والزين يكرم
مهما يطول الوقت ماني بناسيه=عقلي معه والقلب والله يعلم
إن الغلا بيزيد بانت مواريه=في كل ما فيني من إحساسي ودم
رفيق قلبي والمشاعر تناديه=بالصحو تشتاق له وتضمه بحلم
يا مالكٍ(ن)للفكر وآسر معانيه=هواك بأعماقي من اليوم وأقدم
ماله منافس بالبشر طايحٍ(ن)فيه=يأمر وينهى فيً وأقول له:تم
غيره وغيرك ياهوى البال ما بيه=كذا قرار العشق يعدل ويظلم
يا مسافرٍ(ن)صوب الشمال وضواحيه=سلم على مريوشة العين سلم